මෙතෙක් සුවකළ නොහැකිව තිබූ ළමුන්ගේ සන්ධි ඉදිමීමේ රෝගය සදහා නව ඖෂධයක් සොයාගෙන ඇත. වයස අවුරුදු තුනේ සිට 16 දක්වා වයස් කාණ්ඩවල පසුවූ ළමයින්ගෙන් තුනෙන් දෙකක් පමණ වූ අති බහුතරයක් පොල්යාටිකියුලර් ජුවනයිල් ඉජියොපැතික් ආතරයිටිස් හෙවත් ළමා සන්ධි ඉදිමුම් රෝගයෙන් පෙළෙමින් සිටින බව ලෝක සෞඛ්‍ය සංවිධාන දත්ත පෙන්වාදෙයි.

මේ රෝගය සදහා සොයාගෙන ඇති ඖෂධය රෝ අක්ටෙම්රා හෙවත් ටොසිලිසුමැබි නමින් හදුන්වයි. මේ රෝගය ලබාදුන් ළමුන්ගෙන් සියයට හැත්තෑවක් පමණ දෙනෙකුගෙන් සති 40 ක ප්‍රතිකාර වලින් පසු සුවය ලබා ඇත.  

මේ රෝගය හේතුවෙන් බ්‍රිතාන්‍යයේ පමණක් ළමුන් 2300 ක් අත්පා බකල් වීමට ලක්ව ඇතැයි ද බ්‍රිතාන්‍ය සෞඛ්‍ය අංශ වාරේතා කරයි. ඉන් තුනෙන් දෙකක පමණ කොටසක් අස්ථි බද්ධ කිරීමකට ලක්කිරීමට සිදුවේ. මේ රෝගය හදිසියේ වැළදීමෙන් සන්ධි පහකට හෝ හයකට පීඩා ඇති කරයි. ඉන් අස්ථිවල දැඩි බව, ඉදිමීම සහ එහ අස්ථි ලෙවීම සීමා වීම සිදුවේ. සමහර ළමයින් මේ නිසා රෝද පිටුවේ ම සිටින තත්ත්වයට පත්වන්නේ දෙමාපියන්ට කදුළු ඉතිරි කරමිනි.

බ්‍රිතාන්‍යයේ බ්‍රිස්ටල් රාජකීය රොහලේ ළමා සන්ධි ඉදිමිමේ රෝගය පිළිබඳ විශේෂඥ වෙද්‍යවරයෙක් වු වෙද්‍ය ඇතිමලපෙටි රාමනන් පවසන්නේ මෙම ඖෂධය ළමුන් වෙනුවෙන් සූදානම්ව ඇති බවයි. එය මේ රෝගයෙන් පෙළෙන දරැවන්ට හා ඔවුන්ගේ දෙමාපියන්ට ප්‍රීතිමත් පුවතක් වනු ඇත.

ආතරයිටිස් කෙයාර් චැරිටි ආයතනයේ ප්‍රධාන විධායක ජුඩි රයිස් පවසන්නේ මෙම ප්‍රවෘත්තිය මෙම රෝගයෙන් පෙළෙන රෝගි ළමුනට ප්‍රිතිමත් එකක් වන බවයි.