සිරියාවෙන් පිටවී, තම දරුවන් පස් දෙනා සමඟ ඩුබායිහි ජීවත් වන සිරියා ජනපති බෂීර් අල් අසාද්ගේ එකම සොහොයුරිය බුෂ්රා අසාද් පෙරේදා (23) සිරියානු විපක්ෂ කි‍්‍රයාකාරීන් පිරිසක් හමුවෙමින් කියා සිටියේ තම බාල සොයුරු අසාද්ගේ දේශපාලන දර්ශනය තමන් අනුමත නොකරන බවය. බුෂ්රාගේ සැමියා සිරියා රජයේ නියෝජ්‍ය මාණ්ඩලික ප‍්‍රධානියා ලෙස කටයුතු කළ ජනරාල් අසෙෆ් ෂවුකාත්ය. ඉකුත් ජූලි මස 18 වැනිදා සිරියාවේ ඩමැස්කස් අගනුවර ආරක්ෂක අංශ මූලස්ථානයට එල්ල වුණු බෝම්බ ප‍්‍රහාරයෙන් ඔහු මියගියේය. කෙසේ නමුත් තමන් සිරියාවෙන් පිටවී ඩුබායිහි ජීවත් වන්නේ තම සොයුරාගේ දේශපාලන දර්ශනයට විරෝධය දැක්වීමක් හැටියට නොවන බවත් තමා ඔහුගේ දර්ශනය කිසිවිටෙකවත් අනුමත නොකරන බවත් බුෂ්රා අවධාරණය කරයි. ඇය මේ අදහස් කියා සිටියේ සිරියානු විපක්ෂ කි‍්‍රයාකාරීන්ගේ ‘ ඕල් ෆෝ සිරියා’ නමැති දේශපලාන පුවත් වෙබ් අඩවිය සමඟ සම්මුඛ සාකච්ඡාවකට එක් වූ අවස්ථාවේදීය.