ජර්මනියේ පැවැත්වූ සාකච්ඡා වලින් අනතුරුව සිරියාවේ  සතියක සටන් විරාමයක් දියත් කිරීමට ලෝක බලවතුන් එකඟ වූ බව ඇමරිකානු රාජ්‍ය ලේකම් ජෝන් කෙරී ප්‍රකාශ කර ඇතැයි විදෙස් මාධ්‍ය වාර්ථා කරයි. ඒ අතරතුර යුද්ධයෙන් පීඩා විඳින සිරියානු ජනතාවට අවශ්‍ය ආධාර කඩිනමින් ලබා දීමටත් ඔවුන් එකඟ වී ඇත.

ඇමරිකාව, රුසියාව ඇතුළු තවත් රටවල් දොළහක පමණ රාජ්‍යතාන්ත්‍රිකයින් ජර්මනියේ මියුනිච් නුවරට රැස්වී පැවැත්වූ සාකච්ජා වලින් අනතුරුව මෙම තීරණය ගෙන ඇත.

අවුරුදු පහක යුද්ධයෙන් අවතැන් වූ සිරියානු ජනතාවට මෙම තීරණය සහනයක් වනු ඇතැයි විචාරකයෝ පවසති.

එක්සත් ජාතීන්ගේ සංවිධානය පවසන්නේ මේ වනවිට සිරියාවේ ගැටුම් වලින් 250 000ක් පමන මිනිසුන් මියගොස් ඇති අතර මිලියන 12ක් පමන අවතැන් වී ඇති බවයි.