සියවස් හතරක් පමණ මුහුදු බත්වී තිබූ ස්පාඤඤ නාවික යාත්‍රා සමූහයක භාණ්ඩ රැසක් අයර්ලන්ත මුහුදු තීරයනේ සොයාගත් බව විදෙස් මාධ්‍ය වාර්තා කරයි.

1588 දී පමණ මුහුදේ ගිලී ගියායැයි විශ්වාස කරන නැවක තිබී කාලතුවක්කු රැසක්, ලී දඩු සහ නැංගුරම් සොයා ගැණිනි. අයර්ලන්තයේ උරුමයන් පිලිබඳ අමාත්‍යාංශයේ කිමිදුම්කරුවන් විසින් මෙම සොයා ගැනීම කැර ඇත.

පසුගිය වසර දෙක තිස්සේ හමාගිය දැඩි කුණාටු හේතුවෙන් 16 වැනි සියවසට අයත් මෙම යාත්‍රා පිටතට නිරාවරණය වූ බව සමුද්‍ර පුරාවිද්‍යා පර්යේෂක කණ්ඩායම් කියයි.  මෙම යාත්‍රා දීර්ඝ කාලයක් තිස්සේ අයර්ලන්තයේ ස්ලිගෝ දිස්ත්‍රික්කයේ ස්ට්‍රීඩෝ මුහුදු තීරයේ මුහුදු පත්ලේ සැඟවි තිබි ඇත.

පසුගිය අප්‍රේල් මස අයිරිෂ් භාෂාව කථාකරණ අයර්ලන්තයේ කලාපය වන ගෙල්ටැච් හි වෙරළට ලි දඩු පාවී ඒමට පටන් ගෙන ඇති අතර මේ ගැන එරට රජය අවධානය යොමුකර ගෙන සිටි බව කලා උරුමයන් පිලිබඳ අමාත්‍ය හීතර් හම්ප්‍රේස් මාධ්‍ය නිවේදනයක් නිකුත් කරමින් පවසා තිබේ.

අපගේ අළුත්ම සාක්ෂි මගින් පෙන්වා දි ඇත්තේ අනෙක් නැව්දෙකේ සැකිලි ආරක්ෂිත වැලි ස්ථරයේ තවමත් වැළලි ඇති බවයි. හම්ප්‍රේ පැවසුවේ ලා ජුලියානා නැව් සැකිල්ලේ කොටසක් මුහුදු පත්ලට නිරාවරණය වි ඇති බවයි. ඒ අතර තුවක්කු සහ අනෙක් සැකිලි ද්‍රව්‍ය තිබෙන බවද හෙතෙම පවසයි.

මෙම ද්‍රව්‍ය ඉතාමත් ‍‍ඵෙතිහාසික සහ පුරාවිඥාත්මක අතින් අනර්ඝවේ. හෙම්ප්‍රේ පැවසුවේ රජයේ පළමු ප්‍රමුඛතාවය නම් මෙම මෙවලම් ආරක්ෂාකාරිව ගොඩට ගැනීම බවයි. එවිට මෙම ද්‍රව්‍ය සුරක්ෂිතව සංරක්ෂණ කර ජාතික කෞතුකාගාරයේ තැබිය හැකි බවද හෙතෙම පවසා තිබේ.

මුහුදු බත්වු නැව්වල සැකිලි සහ ද්‍රව්‍ය සොයා ගැනීමේ මෙහෙයුම් සතිකීපයක් තිස්සේ ක්‍රියාත්මක බව අයිරිෂ් රජය පවසයි.