මහ වැසි හේතුවෙන් ගංගා පිටාර ගලා ගී‍්‍රසියේ ඇතන්ස් අගනුවර පෙරේදා (23) හදිසියේම ජලයෙන් යට විය. 
හදිසියේ හටගත් එම ජල ගැලීම් හේතුවෙන් එක් කාන්තාවක ජීවිතක්ෂයට පත් වූ අතර දහස් ගණණකට උන්හිටිතැන් අහිමි විය.
මීට පෙර මේ අයුරින් ගී‍්‍රසියට මහ වැසි ඇදහැලූණේ වසර 52 කට පසුව බවය. අවසන් වරට මහ වැසි ඇද හැලූණේ 1961 වසරේ දී යැයි එරට කාලගුණ විද්‍යා දෙපාර්තමේන්තුව පවසයි.
හදිසියේ ආ ප‍්‍රචණ්ඩ ජල පහරට වාහන රැසක් කොටු වූ අතර මෝටර් රථයක් තුළ කොටුවුණු 27 හැවිරිදි කාන්තාවක, බියට පත් වී හෘදයාබාධයකට ලක් වී මියගියාය. සැඬ පහරට හසුවූ තවත් කාන්තාවක බේරා ගැනීමට ඇය ගසාගෙන යනු දුටු පිරිසක් සමත් වූහ. 

සැඬ පහරට හසුවී මෝටර් රථයේ කොටු වී සිටි කාන්තාව බේරා ගත් අයුරු