නඩුව විභාග කිරීම අමතක කර දමා තම වෘත්තීය සගයෙකුට අතින් පයින් සංග‍්‍රහ කළ විනිසුරුවරයෙක් ගැන වාර්තා වන්නේ මෙක්සිකෝවෙනි.

පහරදීමට හේතුව ලෙස හෙළිවී ඇත්තේ පහර කෑ පුද්ගලයාගේ අපහාසාත්මක කියමනකි.

පහර කෑ පුද්ගලයාද විනිසුරුවරයෙකි.

ඒ අසා කෝප වු මුලසුනෙහි සිටි විනිසුරුවරයා මුලසුනෙන බිමට පැන

ශාලාව ඔස්සේ දිව ගොස් ඔහුට ‘‘වැටෙන්නට‘‘ පහර දුන්නේය.නඩු විභාගය රූපවාහිනිය ඔස්සේ විකාශය වූ බැවින් මේ සියල්ල රටටම දැක ගත හැකි විණි.

විනිසුරුවරයා තමන්ගේ හැසිරීම සම්බන්ධයෙන් ප‍්‍රසිද්ධියේ සමාව අයැද ඇත.එසේ වුවත් ඔහුගේ වෘත්තීය සගයන් ඔහුට සමාව දීමට සූදානම් සෙයක් පෙනෙන්නට නැත.

අධිකරණකට උත්තම පුද්ගලයා ලෙස සැළැකෙන විනිසුරුවරයා කවර අවස්ථාවකදී වුවද සියල්ලන්ට ආදර්ශයක් වන සේ හැසිරිය යුතුයැයි ඔවුන්ගේ අදහසයි.සිදුවූ අපකීර්තියට වන්දි ගෙවීමට විනිසුරුවරයා තම ධූරයෙන් ඉල්ලා අස්විය යුතුයැයි ඔවුන් කියයි.