විදෙස් ආධාර ලෙස සෝමාලියාවට ලැඛෙන මූල්‍යමය හා ද්‍රව්‍යයමය ආධාර සියල්ලම එරට රජය එරට ක්‍රියාත්මක අල්කයිඩා සංවිධානයට අනුබද්ධිත අල්ෂබාබ් නම් ත්‍රස්ත සංවිධානය වෙතට ලබාදෙන බව එක්සත් ජාතීන්ගේ සංවිධානය කියයි.

රජයේ දේශපාලඥයයින් අල්ෂබාබ් ත්‍රස්තයින් වෙත අවි ආයුද පවා ලබා දෙන්නේයැයි සදහන්ය.තම තමන්ගේ වාසිය තකා සිදුකෙරෙන බව පැවසෙන මෙවැනි දෑ වලින් සෝමාලියාව තව තවත් අදුරටම ඇදවැටෙමින් පවතින බව විචාරකයෝ කියති.

සෝමාලියාවේ කි්‍රයාත්මක සහන සේවා කණ්ඩායම් බොහෝමයකට ඔවුන්ගේ ආරක්ෂාව වෙනුවෙන් අල්ෂබාබ් ත්‍රස්තයින් වෙත කප්පම් ගෙවීමට පවා සිදුව ඇතැයි එක්සත් ජාතීන්ගේ සංවිධානය පවසයි.

1991 වසරේදී එවක සිටි ජනපති සියාඩ් බාරේ බලයෙන් නෙරපනු ලැබුණු පසු සෝමාලියාව පාලනය වන්නේ අත්තනෝමතික පාලකයින් පිරිසක් අතිනි.රටේ නිසි නීති පද්දතියක්ද නොමැති අතර ඇති නැති පරතරය අහසට පොළව මෙන්වේ.

සෝමාලියාව අන්තවාදී කණ්ඩායම් හා ත්‍රස්ත කණ්ඩායම් අතට පත්වී තවත් ඇෆ්ගනිස්ථානයක් බවට පත්වනු ඇතැයි ලෝක බලවතුන් බිය පළ කරයි.මෙනිසා සෝමාලියාවට එම රටවල් ආධාර ලබාදෙන්නේ ඩොලර් ලක්ෂ ගණනිනි.

නමුත් එම උත්සාහයන් සියල්ල ගගට කැපූ ඉණි මෙන් වී ඇතැයි විචාරක අදහසයි.