පෙමේනැන්ග්හිදීය (රොයිටර්)

ඉන්දුනීසියාවේ ලොම්බොක් දූපතේ අද (9) තවත් භූ කම්පනයක් සිදු ව ඇත.

භූ කම්පනය හේතුවෙන් ගොඩනැගිලි රැසක් කඩා වැටී තිබෙන බොහෝ පිරිසක් තමන් සිටි ස්ථාන අත්හැර ආරක්ෂිත ස්ථාන වෙත ගොස් ඇතැයි එරට බලධාරිහු සඳහන් කළහ. 

භූ කම්පනයේ ප්‍රබලත්වය රික්ටර් මාපකාංක අංක 6.2ක් ලෙස සටහන්ව තිබිණි. භූමි කම්පාවේ අපිකේන්ද්‍රය ගොඩබිමක පිහිටි නිසා සුනාමි අවදානමක් නැතැයි ද නිලධාරිහු සඳහන් කළහ. 

පසුගිය සති දෙක තුනක කාලයේදී ඉන්දුනීසියාවේ භූ කම්පන කිහිපයක් සිදු වූ එම නිසා 150කට වැඩි පිරිසක් මියගොස් සිය ගණනක් තුවාල ලැබූහ. අවසන් වරට භූ කම්පනයේ ප්‍රබලත්වය රික්ටර් මාපකාංක 5.9ක් ලෙස සටහන් වූ බවත් එහි ගැඹුර කිලෝමීටර 10ක් ලෙස සටහන්ව තිබිණි. 

පසුගිය ඉරිදා ද ලොම්බොක් දූපතේ භූ කම්පනයක් සිදු වූ අතර ඉන් මිය ගිය 131ක් යැයි ඉන්දුනීසියා බලධාරිහු බදාදා (7) සඳහන් කළහ.

ඉන්දුනීසියාවේ ස්ථාන කිහිපයක පසුගිය සති දෙක තුනක කාලයේදී සිදු වූ භූ කම්පන හේතුවෙන් මියගිය ගණන 150 ඉක්මවා ගොස් ඇතැයි ද එරට වාර්තා සඳහන් කළේය. 

සංචාරක පාරාදීසයක් ලෙස සැළකෙන ඉන්දුනීසායවට මෙම භූ කම්පන හේතුවෙන් විශාල බලපෑමක් එල්ල වී ඇතැයි ද පැවසේ. 

055