ලිබියාවේ බටහිර ප්‍රදේශයේ ස්ලිටන් නගරයේ පොලිස් අභ්‍යාස විද්‍යාලයක මරාගෙන මැරෙන බෝම්බයක් පිපිරීමෙන් ආධුනික පොලිස් භටයන් 50ක් පමණ මියගොස් ඇතැයි විදෙස් මාධ්‍ය වාර්ථා කරයි. තවත් භටයන් 127ක් පමණ තුවාල ලබා ඇත. ලිබියානු මාධ්‍ය පවසන්නේ බෝම්බය ට්‍රක් රථයක සවිකර තිබූ බවයි. 

මේ දිනවල ලිබියාවේ රෝහල් වල බෙහෙත් හා උපකරණ වල දැඩි හිඟයක් පවතින බැවින් තුවාල කරුවන්ට ප්‍රතිකාර කිරීම සම්බන්ධව සෞඛ්‍ය අංශ දැඩි අසීරුතාවයකට පත්වී ඇත.

ප්‍රහාරයේ වගකීම මෙතෙක් කිසිම කණ්ඩායමක් විසින් බාරගෙන නොමැත. මෙම ස්ථානයේ බලයෙන් පහකළ ලිබියානු නායක ගඩාෆිගේ පාලන සමයේ යුධ හමුදා මධ්‍යස්ථානයක් තිබී ඇත.