මාලදිවයින් ජනපති මොහොමඞ් වහීඞ් කළ යුතු නිවැරැදි දේ නම් සිය ධූරයෙන් ඉල්ලා අස්වීම බව එරට හිටපු ජනපති මොහොමඞ් නෂීඞ් ඊයේ(14) පැවැසීය.
ජනපති වහීඞ් ධූරයෙන් ඉවත්වී අන්තර්වාර පාලනයක් පිහිටුවිය යුතු බව පවසන නෂීඞ්, ඉන් පසුව මාලදිවයින් වැසියන්ට සිය පාලකයා තෝරා ගැනීම සඳහා නිදහස් හා සාධාරණ මැතිවරණයක් පැවැත්විය යුතු බව ද සඳහන් කළේය. 
හිටපු ජනපති නෂීඞ් මේ වන විට එරට ඉන්දීය මහකොමසාරිස් කාර්යාලයේ රැකවරණය යටතේ සිටී. නෂීඞ් අත්අඩංගුවට ගැනිමට එරට මහේස්ත‍්‍රාත් අධිකරණය පෙරේදා(13) නියෝග කිරීමත් සමඟ ඔහු රැකවරණය පතා මාලේ නුවර ඉන්දීය මහකොමසාරිස් කාර්යාලයට පැමිණියේය.  
තමා අයත් මාලදිවයින් ප‍්‍රජාතන්ත‍්‍රවාදී පක්ෂ සාමාජිකයන් 800 දෙනකුට එරෙහිව එල්ල කර ඇති චෝදනා දේශපාලන අරමුණින් සිදු කර ඇති බව කී නෂීඞ් එළඹෙන සැප්තැම්බර් මාසයේදී පැවැත්වීමට නියමිත මැතිවරණයට පෙර ඒ සියල්ලක්ම ඉවත දමන ලෙසද එරට රජයෙන් ඉල්ලා සිටී.

නෂීඞ් ඉන්දීය මහකොමසාරිස් කාර්යාලයට පැමිණි අවස්ථාව