ඉන්දීය සාගරයේ දූපතක් වන මාලදිවයිනේ මීළඟ ජනාධිපතිවරයා තෝරා පත් කරගැනීම සඳහා මිලියනයෙන් හතරෙන් එකකට ආසන්න වන ඡන්ද දායකයන් අද (23) ඡන්ද පොළට යෑමට නියමිතය. 
 
ජාත්‍යන්තරයේ දැඩි විවේචන හමුවේ මාලදිවයිනේ මෙම ජනාධිපතිවරණය පැවැත්වෙයි. ජනාධිපතිවරණය විනිවිදභාවයෙන් තොර යැයි ද ආණ්ඩුවේ දැඩි මර්දනය හමුවේ මැතිවරණය පැවැත්වෙන්නේ යැයි ද ජාත්‍යන්තර ප්‍රජාව චෝදනා කරති. 
 
මාධ්‍ය සම්බන්ධයෙන් දැඩි සීමා පනවා තිබෙන අතර ඡන්දය ප්‍රකාශ කරන ආකාරයේ යම් යම් වෙනස්කම් කර තිබෙන අතර මේ හේතුවෙන් ජනාධිපතිවරණයේ සාධාරණත්වය සම්බන්ධයෙන් ප්‍රශ්න ඇති වී තිබේ. මේ වෙනස්කම් නිසා ජනාධිපතිවරණ ප්‍රතිඵල නිකුත් කිරීම සම්බන්ධයෙන් ද අවිනිශ්චිත තත්ත්වයක් නිර්මාණය වී ඇත.
 
ඉන්දීය සාගරයේ සංචාරක පරාදීසයක් වන මාලදිවයින ඉන්දියාව සහ පාකිස්තානය අතර තිබෙන බල අරගලයේ ප්‍රධාන රාජ්‍යයක් බවට පත්ව ඇත. 
 
ජනාධිපතිවරණය සම්බන්ධයෙන් කිසිදු සමීක්ෂණයක් නොකෙරුණු අතර මේ නිසා කවුරුන් ජය ගනීද යන්න ප්‍රකාශ කිරීම දුෂ්කරය.  
 
සාධාරණ හා නිදහස් මැතිවරණයක් පැවැත්වුවහොත් දූෂණය එරෙහිව පියවර ගනිමින් ප්‍රජාතන්ත්‍රවාදය ස්ථාපිත කරන බවට පොරොන්දු වී සිටින විපක්ෂයේ අපේක්ෂක ඊබ්‍රහිම් මොහම්මෙද් සෝලි ජයගනු ඇතැයි මාලිදිවයිනේ සංචාරය කළ රාජ්‍ය තාන්ත්‍රිකයන් සහ රාජ්‍ය නොවන සංවිධානවල පිරිසක් පවසති. 
 
ජනාධිපති අබ්දුල්ලා යමීන් දෙවැනි ධුර කාලයක් වෙනුවෙන් ජනාධිපතිවරණ සටනට ඉදිරිපත් වී සිටී. ඔහුට චීනයේ සහාය හිමි ව තිබේ. ආර්ථිකය ඉතා ඉහළ තැනකට ගෙන එන බවට ද ඔහු පොරොන්දු වී තිබේ. චීනයේ සහාය ඇතිව මාලදිවයිනේ යටිතල පහසුකම් සංවර්ධනය කිරීමේ ව්‍යාපෘති රැසක් ක්‍රියාත්මක වන අතර ජනාධිපතිවරණය ජයගැනීම උපායමාර්ගික ඔහුට ඉතා වැදගත් යැයි ආධාරකරුවෝ පවසති.
 
රොයිටර්   
 
055