මරණ දඬුවම ක්රියාත්මක කරන හෝ වදහිංසා කරන කිසිදු රටකට ජුලියන් අසාන්ජ් නොයවන බව ඉක්වදෝර ජනාධිපතිවරයා අද (11) ප්රකාශ කළේය.
“ජූලියන් අසාන්ජ්ට වදහිංසාවලට හෝ මරණ දඬුවමට හෝ මුහුණ දීමට සිදුවන රටකට ඔහු නොයවන ලෙස මම මහ බ්රිතාන්යයෙන් ඉල්ලා සිටියා. ඒ වෙනුවෙන් මම ඔවුන්ගෙන් සහතිකයක් ඉල්ලා සිටියා” යැයි ඉක්වදෝර ජනාධිපති ලෙනින් මොරේනෝ සමාජ මාධ්ය ඔස්සේ විඩියෝ පටයක් නිකුත් කරමින් සඳහන් කළේය.
“ස්ථීරවම එම අවශ්යතාව සපුරන බව බ්රිතාන්ය රජය මට දන්වා සිටියා. ඔවුන් ඒ බව මට ලිඛිතව දැන්වුවා” මොරේනෝ පැවැසීය.
ජූලියන් අසාන්ජ් අද (11) ලන්ඩන් පොලිස් අත්අඩංගුවට පත්විය. ඔහු අත්අඩංගුවට ගෙන ඇත්තේ ඇමෙරිකා එක්සත් ජනපදය නිකුත් කළ වරෙන්තුවකට යැයි ද ඇතැම් මාධ්ය වාර්තාවල දැක්විණි. ඇමෙරිකා එක්සත් ජනපද අධිකරණ දෙපාර්තමේන්තුවට අනුව 2010 වසරේදී එරටට අයත් ආරක්ෂක අංශවලට අයත් තොරතුරු සහ බුද්ධි තොරතුරු ප්රසිද්ධියට පත් කිරීම සම්බන්ධයෙන් අසාන්ජ්ට චෝදනා එල්ල වී තිබේ.
කෙසේ නමුත් එම චෝදනාවලට වරදකරු වුවහොත් අසාන්ජ ට මරණ දඬුවම හිමි නොවන නමුත් ඔහුට වසර පහක සිර දඬුවමක් හිමිවනු ඇතැයි එක්සත් ජනපද අධිකරණ දෙපාර්තමේන්තුව සඳහන් කළේය.
ඒ.එෆ්.පී. ඇසුරිනි
055
COMMENTS
නව නීති ක්රියාත්මක වීමෙන් මහජන ආරක්ෂාව වැඩි වන බව ඉතා පැහැදිලිව පෙන්වන ලිපියක්.
තවත් අදහස් හා දත්ත සමඟ මෙම විශ්ලේෂණය යාවත්කාලීන කරලා නම් හොඳයි.