2022 ජුනි මස 28 වන අඟහරුවාදා
ජාත්‍යන්තර වෙසක් දිනය නිමිති කොට ප්‍රංශයේ ශ්‍රි ලංකා තානාපති කාර්යාලය අනුග්‍රහයෙන් වාර්ෂික වෙසක් උත්සවය හා සංස්කෘතික ප්‍රසංගය මෙවරත් පැරිසියේ පිහිටි ජාත්‍යන්තර යුනෙස්කෝ මුලස්ථානයේ ප්‍රධාන රංඟ ශාලාවේදි මැයි මස 28 වැනි බ්‍රහස්පතින්දා සවස බුද්ධ ශාසන ඇමැති කරු ජයසුරිය, යුනෙස්කෝ අධ්‍යක්ෂ ජනරාල් ඉරිනා බොකොවා හා ප්‍රංශයේ වැඩ බලන තානාපති සෝබණි ගුණසේකරගේ ප්‍රධානත්වයෙන් පැවැත්වීමට යයි.
අධ්‍යාපන ඇමැති අකිල විරාජ් කාරියවසම් මහතාද එම ප්‍රසංගය සඳහා පැරිස් නුවර බලා යයි.
නර්තන ශිල්පි චන්න විජේවර්ධන ඇතුළු කණ්ඩායම ඉදිරිපත් කරන සංස්කෘතික නර්තන ප්‍රසංගයක් ද සංවිධානය කර ඇත. තානාපති කාර්යලයෙන් ආරාධනා පත ලබා ගත හැකි බවත් පැරිසයේ පවතින දැඩි ආරක්ෂක හේතුන් මත ජාත්‍යන්තර යුනෙස්කෝ ආයතනයට ඇතුළුවීම සඳහා ඇරයුම් පතක් අවශ්‍ය බවත් තානාපති කාර්යාල වෙසක් කමිටුව පවසයි
