ඉන්ධන මිල ඉහළ යාමට එරෙහිව පැරිස් නුවර සුප්‍රකට ෂාම්ප්ස් - එලිසී වීදි ඔස්සේ ඉදිරියට ඇදුණු විරෝධතාකරුවන්ට පොලිසිය කඳුළු ගෑස් සහ ජල ප්‍රහාර එල්ල කර ඇති බව විදෙස් මාධ්‍ය වාර්තා කරයි.

මේ අතර වැඩිවන ඉන්ධන මිලට විරෝධය පා පැවති විරෝධතාවලදී පොලිසියට පහර දුන් විරෝධතාකරුවන් ප්‍රංශ ජනාධිපති එම්මානුවෙල් මැක්‍රොන්ගේ දැඩි විචේචනයට ලක්විය.

මීට සතියකට පෙර ආරම්භ කළ විරෝධතා මාලාවේ දෙවැනි පියවර මෙය වේ. මොවුන් කහ පැහැති ජැකට් පැළඳ සිටිම විශේෂත්වයක් විය.

විශේෂයෙන්ම ඩීසල් මිල ඉහළ යාම නිසා ප්‍රංශයේ ග්‍රාමීය ප්‍රදේශවල ජිවන වියදම ඉහළ යාම මෙම විරෝධතාවලට ප්‍රධාන හේතුව ලෙස සැලකේ.

ප්‍රංශයේ විවිධ ප්‍රදේශවල සාමාකාමී විරෝධතාවයන් පැවති බවත් පැරිස් නුවර පැවති විරෝධතාවය සඳහා 8000 කට වැඩි පිරිසක් එක්වු බවත්  මෙම විරෝධතාවය පමණක් ප්‍රචණ්ඩ ස්වරූපයක් ගත් බව විදෙස් මාධ්‍ය වාර්තා කරයි.

(28535)

(බීබීසී ඇසුරෙනි)