පාකිස්තානයේ මගී දුම්රිය දෙකක් ඊයේ (17) උදෑසන එකිනෙක ගැටීමෙන් පුද්ගලයන් 25 දෙනකු ජීවිතක්ෂයට පත් වූ අතර 100 කට වැඩි පිරිසක් තුවාල ලැබූහ.
අනතුර සිදුවූයේ කරච්චි නුවරට නිරිත දෙසින් පිහිටි ක්වසීම් නමැති නගරය අසලදීය. පාකිස්තාන පුවත් සේවා පැවැසුවේ අනතුරින් 25 දෙනකු මියගිය බවත් මියගිය ගණන තවත් ඉහළ යා හැකි බවත් කියාය. කෙසේ නමුත් ඇතැම් විදෙස් පුවත් සේවා වාර්තා කළේ අනතුරින් මිය ගියේ දෙදෙනකු පමණක් කියාය.
දුම්රිය දෙක එකිනෙක ගැටීමෙන් එක් දුම්රියක් පීලි පැන අනෙක් දුම්රිය මත පතිත වී ඇත. දුම්රිය මැදිරි තුළ තුවාල ලබා සිරවූවන් බේරා ගැනීමට ප්රදේශවාසීන් සහ සහන සේවා නිලධාරීන් යුහුසුළු වූ අතර ඔවුන්ට හමුදාවේත් පොලිසියේත් සහාය හිමි වී ඇත.
දිවි ගලවා ගැනීමේ මෙහෙයුම් ඊයේ සවස් වන තුරුම සිදු වූ අතර ජින්නා රෝහල් බලධාරීන් ප්රකාශ කළේ තුවාල ලැබූවන්ට කඩිණමින් ප්රතිකාර ආරම්භ කර ඇති බවය.
තුවාල ලැබූවන්ගෙන් කිහිප දෙනකුගේ තත්ත්වය බරපතළ බවත් වාර්තාවේ. ඒ අතර කාන්තාවන් සහ කුඩා දරුවන් බොහෝ දෙනකු සිටින බව ද රෝහල් බලධාරීහු පවසති.
අනතුරට හේතුව මෙතෙක් අනාවරණය වී නොමැති අතර සිදුවුණේ කුමක්දැයි සෙවීමට කඩිණමින් පරීක්ෂණ ආරම්භ කළේ යැයි පාකිස්තාන රජය පවසයි.
කරච්චි දුම්රිය ස්ථාන බලධාරීන් පවසන්නේ සංඥා පද්ධතියේ සිදුවූ දෝෂයක් හේතුවෙන් අනතුර සිදුවූ බවය. අනතුර සිදුවෙද්දී දුම්රිය දෙකෙහි අටසියයකට වැඩි පිරිසක් ගමන් කළ බව ද පාකිස්තාන පුවත් සේවා වැඩි දුරටත් වාර්තා කරයි.
2025 නොවැම්බර් මස 21
194
1
ශ්රී ලංකා ඉන්ෂුවරන්ස් ලයිෆ් හි විකුණුම් කණ්ඩායම විකුණුම් වෘත්තිකයන් ලෙස විශිෂ්ටත්වය කරා යන ගමනේදී ඔවුන්ගේ උනන්දුව සහ කැපවීම වෙනුවෙන් 2025 ශ්රී ලංක
2025 නොවැම්බර් මස 17
255
0
දවසින් දවස අපි හැමෝගෙම ජීවිත හිතාගන්න බැරි තරම් කාර්යබහුල වෙනවා! ඒ busy life එක අස්සේ shopping කරනවා කියන්නේ තවත් ලොකු කාර්යභාරයක් නේද? හවසට වැඩ ඇරිලා ගෙදර යන ගම
2025 නොවැම්බර් මස 04
1148
0
2021 බ්ලූ ප්ලැනට්(Blue Planet) ත්යාගලාභී සහ 2007 සාම නොබෙල් ත්යාගයේ සම-ජයග්රාහක මහාචාර්ය මොහාන් මුණසිංහ මහතා මෑතකදී 2025 ඔක්තෝබර් 18-21 දිනවල චීනයේ ඉහළ මට්ටමේ ටියැන්
පාකිස්තානයේ දුම්රිය දෙකක් ගැටී 25 දෙනෙක් මරුට: 100 කට තුවාල
මාලිංග Wednesday, 19 September 2012 12:50 PM
මිය ගිය සැමට නිවන් සුව (දී)
ලලිත් Wednesday, 19 September 2012 09:13 AM
අම්මෝ. මිනිස්සු නේද මේ. පව්, අහිංසක මිනිස්සු (දී)
මධු Tuesday, 18 September 2012 10:48 PM
හොද පුවතක්. (නි)
වෙනුර Wednesday, 19 September 2012 10:28 PM
එයාලට අල්ලා දෙවියන්ගේ ලැබෙන දඩුවම තමයි.(නදී)