ඉන්දියාවේ නවදිල්ලි නුවර පස් හැවිරිදි දැරියක පැහැරගෙන ගොස් සමූහ දූෂණයට ලක් කළ සැකකරුවන් අතර සිටි දෙවැනි සැකකරු ද පෙරේදා (22) පොලිසිය විසින් අත්අඩංගුවට ගනු ලැබීය.
දෙවැනි සැකකරු ලෙස අත්අඩංගුවට ඇත්තේ පළමු සැකකරු 24 හැවිරිදි මනෝජ් කුමාර්ගේ සොහොයුරාය. ඔහු ඇඟලූම් කම්හල් සේවකයකු වන ප‍්‍රදීප් කුමාර්ය.
එම දැරිය අතුරුදන් වූයේ ඉකුත් 15 වැනිදාය. දින දෙකකට පසු සොයා ඇය නවදිල්ලි නුවර මහ රෝහලට ඇතුළත් කෙරුණි. ඇගේ තත්ත්වය බරපතළ යැයි රෝහල් ආරංදි මාර්ග පවසයි.
පළමු සැකකරු මනෝජ් කුමාර්ගේ අත්අඩංගුවට ගැනීමට නවදිල්ලි පොලිසිය කටයුතු කළේ ඉකුත් 17 වැනිදාය.
දැරිය පැහැර ගෙන ගොස් දූෂණයට ලක් කිරීමේ සිද්ධිය මුල්කොට ගනිමින් පසුගිය දින කිහිපය පුරාවට නවදිල්ලි අගනුවර දැවැන්ත විරෝධතා රැලි පැවැත්විණි.
විරෝධතාකරුවෝ යළිත් වරක් ඉන්දීය රජයට චෝදනා කරන්න වූයේ ඉන්දිය කාන්තාවන් ආරක්ෂා කර ගැනීමට රජය අපොහොසත් කියාය. විරෝධතාකරුවෝ පොලිසිය සමඟ ගැටුම් ඇති කර ගත්හ.