2025 ජුලි මස 12 වන සෙනසුරාදා
2025 ජුලි මස 12 වන සෙනසුරාදා
අත්අඩංගුවේ සිටි ජොර්දාන ජාතික ගුවන් නියමුවා ගිනි තබා ඝාතනය කිරීමට අයිඑස් අන්තවාදීන් කටයුතු කළ ආකාරය අනුකරණය කරමින් තම මිතුරාව ගිනි තබා මරණයට පත්කිරීමට යේමනයේ පාසල් සිසුන් කණ්ඩායමක් උත්සාහ කර තිබේ.
වයස අවුරුදු 7 ත් 10 ත් අතර වයස්වල පසුවන්නන්යැයි පැවසෙන මෙම පාසැල් සිසුන් පිරිස තම මිතුරාව ලීයෙන් තැනූ කූඩුවක සිරකර එය මතට පෙට‍්‍රල් වත් කර ගිනි තබා ඇත.
කූඩුවේ සිරව සිටි සිසුවාගේ වාසනාවට එතැනින් යමින් සිටි වැඩිහිටියෝ පිරිසක් මේ දැක වහාම ගින්න නිවාදමා ඔහුට රෝහල් ගතකිරීමට කටයුතු කර තිබේ.බරපතල ගණයේ පිළිස්සුම් තුවාළ සිදුවී ඇති වුවද ඔහුගේ ජීවිතයට අවදානමක් නොමැති බව රෝහල් ආරංචි මාර්ග කියයි.
ජොර්දාන නියමුවා ඝාතනයට ලක්කෙරූ අයුරු දැක්වෙන වීඩියෝවක් අන්තර්ජාලයට නිකුත් කිරීමට කටයුතු කළ අයිඑස් අන්තවාදීන් එම වීඩියෝවේ පෙනී සිටි සේ මෙම පාසැල් සිසුන්ද නායකයා,තුවක්කුකරුවන්,ඝාතකයා ආදී ලෙස තම තමන්ටද තනතුරු වෙන්කරගෙගන මේ මාරක සෙල්ලමේ නිරතව ඇති බවද සඳහන්ය.
අයිඑස් අන්තවාදීන් අනුකරණය කිරීමට කුඩා දරුවන් පෙළඹුනු පළමු අවස්ථාව මෙය නොවන අතර පෙර අවස්ථාවකදී යේමනයේම දරුවන් කණ්ඩායමක් ඊජිප්තු ජාතිකයින් 21 දෙනෙකුගේ ගෙල කපා ඝාතනය කිරීමට අයිඑස් අන්තවාදීහු කටයුතු කළ අයුරු තමන් අනුකරණය කරනු දැක්වෙන වීඩියෝවක් අන්තර්ජාලයට එක් කළහ.එම වීඩියෝවේ නම් අනුකරණය කිරීමක් විනා සැබෑමටම සිරකරුවන් මරාදැමිීමක් සිදුනොවුනි.
අයිඑස් අන්තවාදීත් තම ප‍්‍රචාරණ උපක‍්‍රමයක් කෙතරම් සාර්ථකව මෙහෙයවමින් සිටිනවාදැයි පෙන්වා දීමට මෙම සිදුවීම් හොඳ උදාහරණයන් බව ආරක්ෂක විශ්ලේෂකයින් කියයි.ඇමරිකාව ඇතුලූ බටහිර රටවල් අයිඑස් සංවිධානයේ ම්ලේච්ඡු බව ගැන කොතෙකුත් කීවද ඒවායින් අයිඑස් ගැතියන් තවත් වර්ධනය වීම විනා වෙන කිසිවක් සිදුව නොමැති බව ඔවුන් පෙන්වාදේ.
අයිඑස් සංවිධානය සමාජ වෙබ් අඩවිද තම මතය ප‍්‍රචාරය කිරීම සදහා ඉතාම සාර්ථකව යොදාගනිමින් සිටින අතර මෙම ඇතැම් සමාජ වෙබ් අඩවි වල ප‍්‍රතිපත්තීන් නිසා ඔවුන්ගේ එම ප‍්‍රචාරණ කටයුතු ව්‍යර්ථ කිරීම ඉතාම දුෂ්කරවී තිබේ.
යුධමය අතින්ද අයිඑස් සංවිධානය තව තවත් ශක්තිමත් වෙමින් සිටී.සාර්ථකව ප‍්‍රහාර එල්ල කිරීමට කුරදි සටන්කාමීන් ඇතුලූ අයිඑස් විරෝධී කණ්ඩායම් කටයුතු කරතත් ඒවා ප‍්‍රමාණවත් නොවන තත්ත්වයක් උද්ගත වෙමින් ඇත.
පසුගිය අවස්ථාවලදී මෙන් හුදෙක් අවි හරඹයෙන් මෙම සටන ජයගත නොහැකි බව විශේෂඥයින් නිතරම පෙන්වා දෙන්නකි.අයිඑස් සංවිධානය විනාශ කිරීමට මුල් පියවර තැබිය යුත්තේ ඔවුන්ගේ ප‍්‍රචාරණ යාන්ත‍්‍රණයට පහර එල්ල කිරීමෙන් බව ඔවුන් පවසයි.
2025 ජුලි මස 04
320
0
ශ්රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර
2025 ජුලි මස 01
845
1
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
2025 ජුනි මස 26
1272
0
එදා මෙදාතුර ශ්රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
නරක ආදර්ශය පාසලටත් යයි
රජීවි Tuesday, 10 March 2015 11:07 AM
ඔව් සංජීව මහත්තයෝ අපි එතකොට ඉපදිලා නෑ .මම අදහස් දැක්වුයේ මේ මාතෘකාවට අනුවයි.කවුරු කළත් වැරදි දේ වැරදියි.නමුත් කිසිදාක වැරද්දක් නොකළ කෙනෙක් සොයාගන්න නැහැ.එවිට සාපේක්ෂව වැරදි අඩුවෙන් කළ කෙනා හොඳ වෙයි.සමහරවිට ඔබ කිසිදාක වැරදි නොකළ කෙනෙක් වෙන්න ඇති.(දිල්)
සොපී Saturday, 07 March 2015 06:55 AM
ත්‍රස්තවාදය පිටු දැකීමට ලෝක නායකයින් එක් විය යුතුයි .මෙතන ඇත්තේ ජාතිවාද ආගම් වාද යන වචන වලට මුවාවූ ත්‍රස්තවාදයයි .අප රටෙත් ජය ගත්තේ ත්‍රස්තවාදය මිස ජාතිවාදය නොවේ .ලෝකයම මෙය තේරුම් ගත යුතුයි .(නදී)
සමන් Friday, 06 March 2015 10:43 AM
සාමයේ පණිවිඩය ලොවටම පෙන්වල දැන් දරුවොත් ඒවා කරන්න පෙලඹිලා (බ)
ගයාන් Monday, 09 March 2015 09:45 AM
ඔය රටවල මිනිස්සු ආගමකින් හික්මිලා නැහැ. . අපේ ළමයෙක් නම් සතෙක්ව වත් ඔය විදියට සෙල්ලමටවත් මරයිද? ලෝකේ විනාසය. (අ)
විජය Sunday, 08 March 2015 03:40 PM
පොඩි එවුන් කියල බලන්න හොඳ නෑ එල්ලලා ගහන්න ඕනා. ආයේ ඔය වගේ සෙල්ලම් නොකරන්න. ගහලා වීඩියෝ පටියක් අන්තර්ජාලයට නිකුත් කරන්න ඕනා. එතකොට එ්ක බලල ළමයි හැදේවි. (නදී)
සිරීනා මාග්‍රට් Friday, 06 March 2015 12:50 PM
මේ ක්‍රමය වහා නැති කළ යුතුයි (නදී)
රජීව් Tuesday, 10 March 2015 04:49 AM
88/89 කාලේ වීඩියෝ ෆෝන් තිබුනා නම් අපේ අයගේ කෙරුවාවත් බලාගන්න තිබුණා.(නදී)
චන්ද්‍රසිරි Friday, 06 March 2015 05:58 PM
එහෙම කරන දරුවෝ ඉන්නෙත් ඒ වගේ රටවල්වලම තමයි. (ර)
පියරේ Friday, 06 March 2015 08:26 PM
ජාතිවාදයට විරුද්ධව ඔබ අද හඬ නොනඟන්නේ නම් ඔබගේ දරුවාද හෙට මෙයම කිරීම අරුමයක්ද? (නි)
සංජීව Tuesday, 10 March 2015 06:48 AM
රජීව් මහත්තයෝ. ඔයා 71 හිටිය නම් ඒ දවස්වල ඉදන්ම බලාගන්න තිබුනා. (නදී)
දුමින්ද Monday, 09 March 2015 05:43 AM
පුංචි අයගේ පුංචි ලෝකය විනාශ කරන්න හොඳ නෑ (දිල්)
කුමා Sunday, 08 March 2015 01:00 AM
මම මේ අයට කැමති නැහැ (නදී)
අනුර Saturday, 07 March 2015 03:14 AM
නැහැ මීට වඩා දේවල් ලංකාවේ සිදු උනා පන පිටින් විදුලිය තැටි වලට දමා බැදලා , පුළුස්සා දැම්ම හැටි අපිට අමතක වෙන ජාතියක් (නදී)