චීනයේ නීතිඥවරු නිතරම හිරිහැර කිරීම්,අනවසර රඳවා ගැනීම් සහ සිරගත කිරීම් වලට බොහෝ ලෙස ලක්වෙයි. නමුත් මේ දිනවල ඉරුණු ඇඳුමින් සිටින නීතිඥවරයෙක්ගේ ඡායාරූපයක් චීනයේ දැඩි අවධානයට භාඡනය වී ඇත. එම ඡායාරූපයේ වූ ලියාන්ෂු නම් එම නීතිඥවරයාගේ කකුල සහ යට ඇදුම් පවා පෙනෙන ලෙස ඔහුගේ ඇදුම් ඉරා තිබුණි.කුයින්සු දිසා අධිකරණයේ සේවය කල ඔහුගේ ඇදුම ඉරා තිබෙන ලෙස පහර දී තිබෙන්නේ එම අධිකරණයේ සේවය කල පොලිස් නිලධාරීන් තිදෙනෙකි.

එම සිදුවීම සිදුවී තිබෙන්නේ එම අධිකරණයේ විනිසුරුතුමන් ද ඉදිරියේ වීම විශේෂත්වයකි. ඔහු ගුවාන්සි පළාතේ නැණින් දිස්ත්‍රික්කයේ අධිකරණයට ගොනු කළ නඩුවක් ප්‍රතික්ෂේප වීම පිළිබඳ සිදුකළ විමසීමක් දුරදිග යාමෙන් මෙම තත්වය උද්ගත වී ඇති බවත් උසාවිය තුලදී නිලධාරීන් තිදෙනෙකු විසින් ඔහුට පහර දුන් බවත් ලියාන්ෂු සහ එතැන සිටි නීතිඥයන් පිරිසක් අධිකරණ නිලධාරීන්ට ප්‍රකාශ කර ඇත. ඔහුට නව ඇඳුම් කට්ටලයක් එම නිලධාරීන් ලබා දුන් නමුත් ඔහුට ගත හැකි ක්‍රියාමාර්ගය ගැන සිතා එය ප්‍රතික්ෂේප කර තිබේ. පසුව ඔහු ඉරුණු කමිසයත් කලිසමත් සහ අධිකරණ ලියකියවිලිද රැගෙන අධිකරණ සංකීර්ණයේ ඉදිරිපස දොරෙන් එලියට පැමිණ තිබේ. එම අවස්ථාවේ ඔහුව ඡායාරූපගත කර තිබේ. ඔහුගේ ඉලක්කය වුයේ සෑම දිනකම චීනයේ නීතිඥයන්ට මුහුණ පෑමට සිදුවෙන අසාධාරණ හිරිහැර පිළිබද බලධාරීන්ගේ අවධානය යොමු කිරීමටය චීනයේ නීතිඥයන්ට සිදුවන හිරිහැර හා ප්‍රචණ්ඩ සිදුව්මි බොහොමයක් අසා ඇති නමුත් එවන් ක්‍රියාවක් තමාට සිදුවේ යැයි නොසිතු බවත් එම සිදුවීමෙන් තමා කම්පා වූ බවත් ඔහු බිබිසියට ප්‍රකාශ කර තිබේ. ඔහු අධිකරණය තුල නීති විරෝධී ලෙස පටිගත කරමින් සිටි බවත් එම නිසා ඔහුගේ ජංගම දුරකථනය ලබා දෙන්නැයි ඉල්ලු විට එය ප්‍රතික්ෂේප කල බවත් මේ සිදුවීම පිළිබද එම අධිකරණයේ නිලධාරීන් ප්‍රකාශ කර තිබේ. චීන නීතිඥයන් මෙම ප්‍රහාරය හෙළා දකිමින් ප්‍රකාශ නිකුත් කරන අතර සැබවින් ම සිදු වුණු දේ තහවුරු කිරීමට අධිකරණය තුල සීසීටීවී දර්ශන ලබාදෙන මෙන් දහසක් පමණ චීන නීතිඥයන් පෙත්සමක් අත්සන් කර තිබේ. මෙම සිදුවීම වේදනාකාරී සිදුවීමක් ලෙස චීන නීතිඥ සංගමයේ සභාපති ප්‍රකාශ කර තිබේ.