ආහාර බැදීමට හැදි අවශ්‍ය නොවන පුද්ගලයෙකි ඉන්දියා ජාතික ප්‍රේම් සින්ග්.

තම දෑත හැදි ලෙස භාවිතා කරන ඔහු උතුරමින් නටන තෙලට අත දමයි.අතින් ආහාර ඒ මේ අත හරවන ඔහු ඒවා හොදින් බදියි.අනතුරුව තම පාරිභෝගිකයන්ට පිළිගන්වයි.

නමුත් නටන තෙලින් ඔහුගේ අතට කිසිදු හානියක් සිදුනොවේ.

‘මම මේක පටන් ගත්තේ මිීට වසර 25 කට පමණ ඉහතදී.දවසක් මම නටන තෙලට අත දමා බැලූවා අතට කිසිවක් වුනේ නැහැ.එදා ඉදන් මම කෑම බදින්න අත තමයි පාවිච්චි කරන්නේ‘ ප්‍රෙම් කියයි.

ප්‍රේම්ගේ මේ අපූරු හැකියාව නිසාම ඔහුගේ අවන්හලත් සෑම විටම පවතින්නේ අතුරු සිදුරු නැතිව පිරීය.ඒම පැමිණෙන්නන්ට වැඩිමනත්ව දැකගැනීමට අවශ්‍ය ප්‍රේම් අත නටන තෙලට දමා ආහාර බදිනවා විනා ආහාර ගැනීමට නම් නොවේ.

‘මාළු තමයි මම වැඩිපුර බදින්නේ.ඒවා කන අයත් කියනවා අතින් බදින නිසාමද කොහෙද ඒවා වෙන තැන්වලින් ගන්න ඒවාට වඩා රසයි කියලා‘ ප්‍රෙම් පවසන්නේ සිනාමුසුවය.

තම ව්‍යාපාරය අනාගතයේදී තම පුතුන් දෙදෙනට පැවරීමට බලාපොරොත්තුවෙන් සිටින ප්‍රේම් ඔවුන් දෙදෙනටත් මේ හැකියාව ලබා ගත හැකි බවත් සිදුකළ යුත්තේ පුහුණුවීම බවත් කියයි.