සිරියාවේ කැරලිකරුවන් විසින් පාලනය කරන අලෙප්පෝ හි සාමාන්‍ය ජනතාව විශාල වශයෙන් නගරය හැර යමින් පවතින බව එරට රාජ්‍ය මාධ්‍ය වාර්තා කරයි.

විවෘත කර ඇති මාර්ග හතරක් ඔස්සේ පිටතට පැමිණෙන ජනතාව බස්රථ වලින් තාවකාලික නැවතුම් ස්ථාන වලට රැගෙන යන බවත් සමහර කැරළි කරුවන් රජයේ හමුදාවන්ට යටත් වූ බවත්  වාර්තා වේ.

දොරටු තුළින් ආහාර හෝ මානුෂීය ආධාර කිසිවක් නගරය තුළට ඇතුළු නොකරන අතර ජනතාවට පිටවීමට පමණත් ඉඩදී ඇති බව සිරියාවේ විරුද්ධ පාක්ෂිකයෝ පවසති. මෙය කැරලිකරුවන් අල්ලා ගැනීම සඳහා රජය විසින් අටවන ලද උගුලක් බව ඔවුන්ගේ  මතයයි. ඔවුන් තව දුරටත් පවසන්නේ අලෙප්පෝ නගරයේ ජනතාවට බඩගින්නේ සිටීම හෝ නගරය හැරයාම යන දෙකෙන් එකක් තෝරා ගැනීමට සිදුවී ඇති බවයි.

එක්සත් ජාතීන්ගේ සංවිධාන නියෝජිතයන් සහ ආධාර කණ්ඩායම් පිවීමේ දොරටු අසල රැඳී සිටින බවද වාර්තා වේ.