දකුණු අප්‍රිකාවේ නැගෙනහිර මපුමලංගා පළාතේ ගල් අඟුරු පතලක සිදුවූ පිපිරුමකින් හය දෙනකු මියගොස් ඇතැයි වාර්තා වේ. මෙය විෂවායුකින් සිදුවූ පිපිරුමක් බව විශ්වාස කෙරේ.

අනතුරින් තවත් 20 දෙනකු පමණ පතලේ සිරවී සිටින බවත් ඔවුන්ද  මියගොස් ඇතැයි අනුමාන කරන බවත් පොලිසිය පවසයි. 

කෙසේවුවද මුදවා ගැනීමේ මෙහෙයුම් තවදුරටත් ක්‍රියාත්මක බවත්.විෂවායු දිගින් දිගටම කාන්දු වීම හේතුවෙන් මෙම කාර්යය අසීරු වී ඇති බවත් සඳහන් වේ.

සිරවී සිටින අය සොයා පතලට බැසීම අවදානම් ක්‍රියාවක් වන අතර පතල තුලට විදුලි බලය හා වාතාශ්‍රය ලබාදීමෙන් පසුව එයට බැසීම කලහැකි බවත් මුදවාගැනීමේ කණ්ඩායම පවසන බව මාධ්‍ය වාර්තා කර ඇත.

(රොයිටර් පුවත් ඇසුරිණි - 085)