තායිලන්ත රජු මහා වජිරලොන්කොන්ගේ ප්‍රකාශය අණක් ලෙස සළකා රාජකන්‍යා බර්නවාදී කුමරිය අග්‍රාමාත්‍යය ධූරය සඳහා ඉදිරිපත් නොකරන බව තායි රක්සා චාට් පක්ෂය සඳහන් කරයි.

මෙතෙක් එරට රාජකීයන් දේශපාලනයට යොමු නොවීම හේතුවෙන් 67 හැවිරිදි රාජකන්‍යා කුමරිය අග්‍රාමාත්‍ය අපේක්ෂක ධූරයට ඉදිරිපත් වීම තායි ඉතිහාසයේ වැදගත් සන්ධිස්ථානයක් ලෙස හැඳින්වේ.

මහා වජිරලොන්කොන් රජු සිය සොහොයුරියගේ දේශපාලනයට පිවිසිම දැඩි ලෙස දෝෂදර්ශනයට ලක් කිරිම හේතුවෙන් මෙම තීරණය ගත් බව පක්ෂයේ ආරංචි මාර්ග සඳහන් කරයි.

තායි රජ මැදුර නිවේදනයක් නිකුත් කරමින් පවසා ඇත්තේ එවැනි ක්‍රියාවක් ජාතියේ සංස්කෘතියට අපහාස කිරිමක් වන බවයි.

මාර්තු 24 වැනි දා පැවැත්වෙන තායි මහමැතිවරණය සඳහා රාජකන්‍යා කුමරිය තරග වදින බව ඉකුත් (8) වැනි දා පැවසුවාය.

ඇය තායිලන්තයේ හිටපු රජු භූමිබෝල් හා සිරිකින් රැජණ පළමු දරුවා ලෙස 1957 දී ස්විස්ටර්ලන්තයේ දී උපත ලැබුවාය.

 

(බීබීසී ඇසුරෙනි)

(28535)