එක්සත් ජාතීන්ගේ දේශගුණික සමුළුවේදී කාලගුණ විපර්යාස සම්බන්ධයෙන් ශක්තිමත් පියවර ගන්නා ලෙස ශුද්ධෝත්තම ෆ‍්‍රැන්සිස් පාප්තුමෝ ලෝක නායකයන්ට අවධාරණය කරති.

වතිකානයට රැස් වූ ආණ්ඩුකාරවරුන් හා නගරාධිපතිවරුන් අමතමින් පාප්වහන්සේ මේ බව සඳහන් කළහ. ඔවුහු දේශගුණික විපර්යාස මැඞීම සඳහා වන ප‍්‍රඥප්තියකට ද අත්සන් කළහ. මිනිසුන්ගේ කි‍්‍රයාකාරකම් නිසා ඉහළ යන ගෝලීය උෂ්ණත්වයත්, පරිසරයට සිදුවන හානියත් අවම කිරීමට ඇති අවසන් අවස්ථාව මෙය බවත් පාප්තුමෝ එහිදි ප‍්‍රකාශ කළහ.

ගෝලීය උෂ්ණත්වය වැඩිවීම, නූතන වහල් බව පාප්තුමෝ සම්බන්ධ වූ සම්මේලනයේ තේමාව  විය. දරිද්‍රතාවටත් බලෙන් සිදුවන අනවසර සංක‍්‍රමණයටත් හේතුවී ඇත්තේ ගෝලීය උෂ්ණත්වය බව මෙහිදි කළ කරන ලද කරුණු දැක්වීමකදී අනාවරණය විය.

දෙසැම්බර්යේ පැවැත්වෙන එක්සත් ජාතීන්ගේ දේශගුණික සමුළුවට මේ සම්බන්ධයෙන් බලපෑම් කිරීමට වතිකානයට ලැබෙන අවසන් අවස්ථාව මෙය විය. පැරිසියේදී පැවැත්වෙන දේශගුණික සමුළුවේදී ගෝලීය උෂ්ණත්වය මැඩීම සඳහා එකඟතාවකට පැමිණීමට නියමිතය.

සමුළුවේදී ගෝලීය උෂ්ණත්වය වැඩිවීමත් අනවසර සංක‍්‍රමණයත් අතර ඇති සබඳතාව පිළිබඳ කරුණු දක්වනු ඇතැයි ද තමා ට පැරිසියේ පැවැත්වෙන සමුළුව සම්බන්ධයෙන් බලාපොරොත්තුවක් ඇතැයි ද පාප්තුමෝ එහිදි පැවැසූහ. එක්සත් ජාතීන් මේ සම්බන්ධයෙන් දැඩි හා ශක්තිමත් පියවර ගත යුතු යැයිද උන්වහන්සේ වැඩිදුරටත් පැවැසූහ.