2023 දෙසැම්බර් මස 10 වන ඉරිදා
මරා දැමුණු ලිබියා නායක කර්නල් මුවම්මාර් ගඩාෆිගේ බුද්ධි අංශ ප‍්‍රධානී අබ්දුල්ලා අල් සෙන්සුයි පෙරේදා (17) බටහිර අපි‍්‍රකානු රාජ්‍යයක් වන මුරුෂානියාවේදී අත්අඩංගුවට ගැණින.
ගඩාෆිට එරෙහි ලිබියාවේ විරෝධතා ආරම්භ කළ අවස්ථාවේදී කැරැුලිකරුවන්ට පහරදීමට උපදෙස් දුන් බවටත්, කැරැලිකරුවන් ඝාතනය කරමින්, මනුෂ්‍යත්වයට එරෙහි අපරාධ සිදුකළ බවටත් ජාත්‍යන්තර අපරාධ අධිකරණයෙන් සෙන්සුයිට චෝදනා එල්ල වී ඇත.
එම චෝදනා හේතුවෙන් ඔහු අත්අඩංගුවට ගන්නැයි ඉන්ටර්පෝල් හෙවත් ජාත්‍යන්තර පොලිස් කොමිසම වරෙන්තු නිකුත් කළේ ඉකුත් ජූලි මාසයේදී ගඩාෆිට සහ ගඩාෆි පුතු සෙයිෆ් අල් ඉස්ලාම්ට වරෙන්තු නිකුත් කළ අවස්ථාවේදීමය.
අල් සෙන්සුයි ජාත්‍යන්තර අපරාධ අධිකරණය හමුවට ඉදිරිපත් කිරීමට නියමිතව ඇති නමුත් ලිබියාවේ නව පාලකයන් පවසන්නේ සෙන්සුයිට එරෙහිව නඩු පවරා දඬුවම් දීමේ කටයුතු ලිබියාවේදී සිදු කිරීමට තමන් බලාපොරොත්තු වන බවය.
ලිබියාවෙන් පැන යෑමට උත්සාහ කරද්දී අල්ලා ගත් ගඩාෆි පුතු සෙයිෆ් අල් ඉස්ලාම් ද මේ වනවිට මාස කීපයක් තිස්සේ ලිබියා නව පාලකයන්ගේ අත්අඩංගුවේ පසුවෙයි.
ඔහුට විරුද්ධව මෙතෙක් කිසිදු ආකාරයක නඩු විභාගයක් පවත්වා නැත. මුරුෂානියා බලධාරීන්ගේ අත්අඩංගුවේ පසුවන අල් සෙන්සුයි තමන්ට බාර දෙන්නැයි ලිබියා නව රජය ඉල්ලීමක් ද කර තිබේ.
”අපට දැන ගන්න ලැබුණා අල් සෙන්සුයි මුරුෂානියාවේ නුකාචොට් ගුවන් තොටුපොළේ දී අත්අඩංගුවට ගත් බව. අත්අඩංගුවට ගන්නා අවස්ථාවේදී තරුණයකුත් ඔහු සමඟ සිටියා. අප විශ්වාස කරනවා ඒ ඔහුගේ පුතු කියලා.” යැයි ලිබියා නව රජයේ ප‍්‍රකාශක නසීර් අල් මානී මාධ්‍ය හමුවක් පවත්වමින් කියා සිටියේය.
ලිබියා කැරැලිකරුවන් අතින් ගඩාෆි ඝාතනය කෙරුණු අවස්ථාව වන විට අල් සෙන්සුයි, කැරැලිකරුවන්ගෙන් බේරී ලිබියාවෙන් පැනගොස් සිටියේය. ඔහු මුරුෂානියාවට පැමිණ ඇත්තේ මොරොක්කෝවේ සිටය. ඒ, ව්‍යාජ ගමන් බලපත‍්‍රයක් සකස් කර ගනිමිනි.
අල් සෙන්සුයි අත්අඩංගුවට ගැනීමේදී මුරුෂානියා බලධාරීන්ට සහාය දී ඇත්තේ ප‍්‍රංශ රජයයි. ගඩාෆිට එරෙහිව සටන් වැදීමට කැරැලිකාර පාර්ශවයට ආයුධ දුන්නේ ප‍්‍රංශසයයි .
කැරැලි කරුවන්ගේ දේශපාලන හඬ වූ ‘ලිබියා අන්තර්වාර පාලක මණ්ඩලය’ ලිබියාවේ සැබෑ ජනතා හඬ යැයි මුලින්ම නිල වශයෙන් පිළිගෙන ආධාර දුන් රට වන්නේද ප‍්‍රංශයයි.
ප‍්‍රංශ ජනපති නිකලස් සාර්කෝසිගේ කාර්යාලය විශේෂ ප‍්‍රකාශයක් මාධ්‍ය වෙත නිකුත් කරමින් කියා ඇත්තේ, 1989 වසරේ යූ.ටී.ඒ. ගුවන් යානය බෝම්බ ප‍්‍රහාරයකින් විනාශ කිරීමේ සිද්ධිය සම්බන්ධයෙන් අල් සෙන්සුයිට දඬුවම් ලබාදීමට ප‍්‍රංශයට ගෙන්වා ගත යුතු බවය.
මුරුෂානියාව රෝම ප‍්‍රඥප්තියට අස්සන් නොකළ රටක් වන නමුත් එක්සත් ජාතීන්ගේ ආරක්ෂක මණ්ඩලයට ඔවුන්ගේ ඇති බැඳීම හේතුවෙන්, අල් සෙන්සුයි, නෙදර්ලන්තයේ හේග් නුවර ජාත්‍යන්තර අපරාධ අධිකරණයට භාර දීමට මුරුෂියානා රජය බැඳී සිටින බව ද පැවැසේ.
එක්සත් ජාතීන්ගේ මහ ලේකම්වරයාගේ බලකිරීමට, ඊශ්‍රායලය හමාස් සටන් විරාමයක් වහා ආරම්භ කළ යුතු යැයි එක්සත් ජාතීන්ගේ ආරක්ෂක මණ්ඩලයට ඉදිරිපත් වුණු යෝජනාවට ඇ
ලබන 2024 වසරේ රුසියන් ජනාධිපතිවරණය පැවැත්වෙන අතර, තමන් ඊට ඉදිරිපත් වන බව ජනාධිපති ව්ලැදිමීර් පුටින් කියයි.
පුපුරණ ද්‍රව්‍ය ගබඩාවක සිදුවූ පිපිරීමක් හේතුවෙන්, සීෂෙල්ස් දූපත් රාජ්‍යයේ හදිසි තත්ත්වයක් ප්‍රකාශයට පත් කිරීමට, එරට ජනාධිපති වේවල් රාම්කලවන් පියවර
හමාස් සංවිධානයට දිගින් දිගටම සහාය පළ කරමින්, හමාස් සංවිධානය සමඟ එක් වී, ලෙබනනයේ හිස්බුල්ලා සංවිධානය, ඊශ්‍රායලයට එරෙහිව සටන් වැදුණොත්, ලෙබනනයේ බේරූට් අ
පලස්තීන වැසියන්ගේ ජීවිත ආරක්ෂා කළ යුතු බව අවධාරණය කරමින්, වහාම සටන් විරාමයක් ආරම්භ කළ යුතු යැයි එක්සත් ජාතීන්ගේ මහ ලේකම් අන්තෝනියෝ ගුටරේස්, එක්සත් ජාත
බලතල අයථා ලෙස භාවිත කරමින්, මානව හිමිකම් උල්ලංඝනය කළේ යැයි චෝදනාවලට වරදකරු වූ පේරු රටේ හිටපු ජනාධිපති ඇල්බර්ටෝ ෆූජිමෝරි වසර 16 ක සිර දඬුවමකින් පසු නිදහස
2023 නොවැම්බර් මස 19
1023
0
අද එක්සත් ජාතීන්ගේ ලෝක වැසිකළි දිනයයි. වසර 2030 වන විට ලොව පුරා සැමට පූර්ණ සනීපාරක්ෂව හිමි කර දීම ඉලක්ක කරගෙන “වේගයෙන් වෙනස කරා”
2023 නොවැම්බර් මස 01
770
2
නිෂ්පාදනය, අලෙවිකරණය හා බෙදාහැරීම යන අංශ ඔස්සේ නව්‍යකරණයෙන් පිරිපුන් උසස් තත්ත්වයේ කුඩ සහ මදුරු දැල් ඇතුළු නිෂ්පාදන පෙළක් හඳුන්වාදෙමින් ශ්‍රී ලාංකී
2023 සැප්තැම්බර් මස 06
4792
0
දැඩි ආශාව හා කැපවීම මුණගැසෙන ක‍්‍රිකට් වැනි ක්ෂේත‍්‍රයක් තුළ, එෂාන් මාලිංග පැමිණි ගමන් මග නම් එතරම් ආශ්වාදජනක එකක් නොවේ. ඔහුගේ පන්දු යැවීමේ වේගය හා දක
ගඩාෆිගේ බුද්ධි අංශ ප‍්‍රධානියා මුරුෂානියාවේදී කොටුවෙයි