පකිස්ථානයේ කරච්චි නුවර උෂ්ණත්වය ඉහළ යෑම හේතුවෙන් 65 දෙනකු පමණ මිය ගොස් ඇතැයි වාර්තා වේ. 
 
පසුගිය දින තුනක කාලයේදී මෙම මරණ සිදුවී ඇත.
 
සඳදා (21) දිනයේ කරච්චි නුවර උෂ්ණත්වය සෙල්සියස් අංශක 44 ක් වැනි ඉහළ අගයක පැවති අතර මැයි මාසයේ සාමාන්‍ය උෂ්ණත්වය සෙල්සියස් අංශක 35ක් බව කාළගුණ අංශ වාර්තා කර තිබිණි. 
 
නගරය පුරා විදුලි බලය ඇණ හිටීමෙන් සහ මුස්ලිම්වරුන්ගේ උපවාස සමය ආරම්භවීම හේතුවෙන් තත්ත්වය වඩාත් නරක අතට හැරුණු බව පැවසේ.
 
මෙම වාතාවරණය තව දින කිහිපයක් පවතිනු ඇති බැවින් දැඩි උෂ්ණත්වයෙන් ආරක්ෂා වීම සඳහා නිවෙස් තුළට වී සිටින ලෙස ආපදා කළමනාකරණ අංශය ජනතාවට උපදෙස් දී ඇත.
 
2015 වර්ෂයේ කරච්චි නුවර ඇතිවුණු මෙවැනිම අධික උෂ්ණත්ව තත්ත්වයකින් 1300ක් දෙනකු මියගිය බව වාර්තා වී ඇත.
 
(බීබීසි ඇසුරිණි - 085)