ඇමරිකාවේ ටෙක්සාස් ජනපදයේ මිනිස් දිවියෙක් (මැනිමල්) වෙසෙන බව වාර්තා වේ. හතළිස් හැවිරිදි ලාන්ස් බි‍්‍රස්ක් නම් ඔහු වෘත්තියෙන් පච්ච ශිල්පියෙකි. දිවියෙකු ලෙස වෙස්වලා ගැනීමත් සමග ඔහු ලැරි ද ලෙෆර්ඞ් යන නමින් නගරයේ කාඅතරත් ප‍්‍රසිද්ධ චරිතයක් බවට පත් වී ඇත.

කුඩා කළ සිට ඇතිවූ බලවත් ආශාව නිසා ඔහු දිවියකු සේ ඇඟ පුරා පුල්ලි ලෙස පච්ච කොටා ගෙන ඇත. එසේම ඔහු ඇවිදින්නේද දිවියෙකු සේය. තමා භාගයක් මිනිසෙකු හා භාගයක් දිවියෙකු ලෙස හැසිරීම නිසා සත්‍ය ලෙසම ඔහු ‘මැනිමල්’ කෙනෙක් බව ඔහු විශ්වාස කරයි.

එසේම මෙම ප‍්‍රතිරූපය ඔහුට දිවියෙකු සේ කරුවලේ පෙනීම, රාති‍්‍ර කාලයේ දඩයම් කිරීමට හැකි වීම, වේගයෙන් දිවීමට හැකි වීම ආදි බලය ලබා දෙන බවත් ඔහු පවසයි.

අවුරුදු 20දී ඔහුට මෙම ආශාව ඇති වී ඇති අතර ඒ සඳහා පච්ච ශිල්පියෙකු මුණ ගැසුණු අවස්ථාවේ ඔහු පවසා ඇත්තේ දෙමව්පියන්ගෙන් අවසර ගෙන එන ලෙසයි. නමුත් දෙමව්පියන් මේ සඳහා ඔහුට අවසර දී නොමැත. මේ හේතුව නිසා ලාන්ස් පවුලේ කිසිම කෙනෙක් සමග සමීප සම්බන්ධතා නොපවත්වන බවද සඳහන්ය.

එක්දරු පියෙක් වන ඔහු කාටුන් චරිතයක් ලෙස බැලූ බැල්මට දිස්වේ. ඔහු සමග පාරේ ගමන් කිරීම විටෙක මහත් පීඩාකාරී හිසරදයක් බව ඔහුගේ පෙම්වතිය ජුලියා රූත් (29) කියන්නීය.