ඕස්ට්‍රේලියාවේ හිටපු අගමැති එඩ්වර්ඩ් ගොච් විට්ලම් මියගිය බව එරට මාධ්‍ය වාර්තා කරයි. ඔහු 98 වැනි වියේ පසුවූයේය. ඕස්ට්‍රේලියාවේ අගමැතිවරු අතරින් වැඩිම ආයුෂ විඳි අගමැතිවරයා ලෙස එඩ්වර්ඩ් සැලකේ. 1972 සිට 1975 දක්වා පාලනය කළ එඩ්වඩ් විට්ලම් අගමැතිවරයා එරට අගමැතිධුරය හෙබවු   21 ක් වැනියාය. මොහු  විදෙස් රටවල් සමග දැඩි සම්බන්ධයකම් තරකරගත් අගමැති වරයෙක් ලෙස ප්‍රකටය.

රාජකීය ඕස්ට්‍රේලියානු ගුවන් හමුදා  නිලධාරියෙක්, දේශපාලඥයෙක්, අගමැතිවරයෙක් මෙන්ම තානාපතිවරයෙක් හැටියට විවිධ ආකාරයේ ඔහු තම රටවෙනුවෙන් සේවය කැර ඇත.

වර්තමානයේ ඕස්ට්‍රේලියාවේ විශාලතම වෙළඳ සහකරුවා වී ඇත්තේ චීනයයි. චීනය ඇතුළු රටවල් ගණනාවක් සමග ගිවිසුම් ඇතිකරගනිමින් ජාත්‍යන්තර සබඳතා වර්ධනය කළ අගමැති එඩ්වරඩ් චීනයට ගිය පළමු ඕස්ට්‍රේලියා අගමැතිවරයා ලෙස ද ඉතිහාසයට එක්ව ඇත. ඔහුගේ ගිවිසුම් ඕස්ට්‍රේලියාවේ ආර්ථිකය වර්ධනය කිරීමට ඉවහල් වූ බව විචාරකයෝ කියති.