IMG-LOGO

2025 ජුලි මස 15 වන අඟහරුවාදා


ඔබාමාගේ ආරක්ෂක නිලධාරීහු නොහොබිනා ලෙස හැසිරිලා

ඇමෙරිකා ජනපති බැරැුක් ඔබාමාට ආරක්ෂාව සපයමින් ඔහු සමඟ පෙරේදා (14) කොලොම්බියාවට පැමිණි ආරක්ෂක අංශ නිලධාරීන් 11 දෙනකු නොහොබිනා ලෙස හැසිරීම හේතුවෙන් ආපසු යැවීමට කටයුතු කෙරුණි. එම නිලධාරීන් මත්පැන් පානය කර ගණිකාවන් ඇසුරු කරමින් කලහකාරීව හැසිරුණු බව ද වාර්තා වේ. ජනපති ඔබාමා කොලොම්බියාවට පැමිණියේ ඊයේ (15) ඇරැඹුණු කලාපීය රාජ්‍ය නායක සමුළුවට සහභාගී වීම සඳහාය. සුපුරුදු පරිදි ජනපති ආරක්ෂක අංශ නිලධාරීහු ද ඔහු සමඟ පැමිණියහ. එම පිරිසට හමුදා අංශවල නිලධාරීන් ද සිටි බව මාධ්‍ය වාර්තා කරයි. ආරක්ෂක අංශ නිලධාරීන්ගෙන් වැඩි දෙනා විවාහකයන් බව ද වාර්තා වේ. ඇමෙරිකා රාජ්‍ය දෙපාර්තමේන්තුව පවසන පරිදි සිද්ධියට සම්බන්ධ වී ඇත්තේ හමුදා අංශවල නිලධාරීන් පමණකි. ආරක්ෂක නිලධාරීන් නවානැන් ගෙන සිටියේ මුහුද අසල පිහිටි කැරීබ් නමැති තරු පහේ හෝටලයේය. ඔවුන් අධික ලෙස මත්පැන් පානය කරමින් ගණිකාවන් ඇසුරු කළේ එහිදීය. ඒ ගැන ප‍්‍රසිද්ධියට පත් වූයේ එක් නිලධාරියකු ගණිකාවකට මුදල් ගෙවීම ප‍්‍රතික්ෂේප කළ නිසාය. දෙදෙනා අතර බහින්බස් වීමක් ඇති වූ අතර පොලිස් නිලධාරීන් එම ස්ථානයට පැමිණ ඇත. අවසානයේදී ජනපති ඔබාමා මැදිහත් වී එම සිද්ධියට සම්බන්ධ ආරක්ෂක අංශ නිලධාරීන් 11 දෙනා ආපසු ඇමෙරිකාවට යැවීමට තීරණය කළේය. එම නිලධාරීන්ට එරෙහිව විනය පරීක්ෂණයක් පවත්වා දඬුවම් ලබා දීමට කටයුතු කරන බව ජනපති ආරක්ෂක අංශය පවසා ඇත.



අදහස් (0)

ඔබාමාගේ ආරක්ෂක නිලධාරීහු නොහොබිනා ලෙස හැසිරිලා

ඔබේ අදහස් එවන්න

 

 
 

මේවාටත් කැමතිවනු ඇති

පාසල් දරුවන්ට හිස්වැසුම් බෙදා දීම 2025 ජුලි මස 14 120 0
පාසල් දරුවන්ට හිස්වැසුම් බෙදා දීම

ශ්‍රී ලංකාවේ පැරණිතම සහ විශාලතම මෝටර් රථ සංවිධානය වන ලංකා ඔටෝමොබයිල් සංගමය (AAC), ’’මෝටර් රථ හිමියන්ගේ හඬ’’ සහ ’’මෝටර් රථ හවුල්කරු’’ ලෙස ප්‍රසිද්ධය. රට තු

සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය 2025 ජුලි මස 14 70 0
සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය

ශ්‍රී ලංකාවේ ප්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී සිය දීප ව්‍යාප්ත ශාඛා ජාලයේ 54 වැනි ශාඛාව පසුගියදා කඩුවෙල නගරයේදී විවෘත කෙරිණ.

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි 2025 ජුලි මස 04 449 0
ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

Our Group Site