ඇමෙරිකා එක්සත් ජනපදයේ හිටපු ජනාධිපති බැරක් ඔබාමා මහතා සහ වත්මන් ජනාධිපති ඩොනල්ඞ් ට්‍රම්ප් මහතා අතරේ සැලකිය යුතු වෙනසක් නැතැයි රුසියා විදේශ අමාත්‍ය සර්ගේ ලැව්රොව් මහතා පවසයි.

ඉතාලියේ ‘ලිබරෝ’ පුවත්පත සමඟ සම්මුඛ සාකච්ඡාවකට එක්වෙමින් සර්ගේ ලැව්රොව් මහතා ඒ බව ප්‍රකාශ කර ඇතැයි රුසියාවේ රාජ්‍ය පුවත් සේවය වන ‘ආර්.අයි.ඒ’ වාර්තා කර තිබිණි.  

ජනාධිපති ඩොනල්ඞ් ට්‍රම්ප් මහතාගේ කණ්ඩායමේ ප්‍රතිපත්තිමය කටයුතු සහ එරට හිටපු ජනාධිපති ඔබාමා මහතාගේ කණ්ඩායමේ ප්‍රතිපත්තිමය කටයුතු අතරේ පැහැදිලි වෙනසක් නැතැයි හෙතෙම ප්‍රකාශ කර ඇත.

“අවසනාවකට ට්‍රම්ප්ගේ කණ්ඩායම කටයුතු කරන ආකාරය සහ හිටපු ජනාධිපති ඔබාමා කටයුතු කරන ආකාරය අතර මහ ලොකු වෙනසක් නැහැ” යැයි රුසියානු විදේශ අමාත්‍යවරයා වැඩිදුරටත් ප්‍රකාශ කර තිබේ.

(රොයිටර්-055)