ස්පාඤ්ඤය හා පෘතුගාලය හරහා හමාගිය එල්සා සුළි කුණාටුව හේතුවෙන් පුද්ගලයන් පස්දෙනකු මරුමුවට පත්වී ඇතැයි වාර්තා වේ.

කුණාටුවෙන් ඇතිවූ තද වැසි මගින් ගංවතුර තත්ත්වයක් ද හටගෙන තිබෙන බව බලධාරීහු පවසති.

ගස් හා විදුලි කණු කඩා වැටී ඇති අතර ප්‍රදේශයේ ගොඩනැගිලි බොහොමයකට හානි සිදුවී ඇති බව සඳහන් වේ.

කාලගුණ අංශ පවසන්නේ එල්සා කුණාටුවට පසු ෆේබියන් නම් තවත් කුණාටුවක් ප්‍රදේශය හරහා හමා යනු ඇති බවයි.

එමගින් කාළගුණ තත්ත්වය තවත් නරක අතට හැරෙනු ඇති බවට ඔවුහු අනතුරු අඟවති.

(රොයිටර් පුවත් ඇසුරිණි - 085)