එක්සත් රාජධානිය ක්‍රිස්තියානි රටක් බවත් එසේ පැවසීමට බිය විය යුතු නැති බවත් එංගලන්ත අගමැති ඩේවිඩ් කැමරන් කියයි.

 ජේම්ස් රජුගේ බයිබලයේ 400 වැනි සංවත්සරය නිමිත්තෙන් පැවති උත්සවයකදී ඔහු මේ බව පැවසීය.

ජිවත් වීමට ඉඩ දෙන සංකල්පය ඔස්සේ අන්‍යාගමිකයන්ටද එවන් රටක ජිවත් වීම ආරක්‍ෂිත බව හෙතෙම පැවසිය.  එමෙන්ම ක්‍රිස්තියානි රටක් වූ පළියට අනෙක් ආගම වලට එරෙහිව ක්‍රියා කිරීම වැරදි බව ද කැමරන් ප්‍රකාශ කළේය.

ප්‍රංශය වැනි රටවලට වඩා එංගලන්තයේ යුදෙව්වන්ට සහ ඉස්ලාම් ආගමට නිදහස ඇති බවත් එංගලන්තය අනෙක් ආගම් වලටත් වාසස්ථානයක් වීම පිළිබද සතුටුවන බවත් අගමැතිවරයා සදහන් කළේය.

රටක් ශක්තිමත් වීමට අන්‍යාගම් ද අවශ්‍ය බව හෙතෙම පැවසීය. තම රටේ ක්‍රිස්තියානි අනන්‍යතාවය පවතිනතුරු අන්‍යාගමිකයන්ට තම ආගම ඇදහීමට නිදහස ඇති බවද ඔහු කීවේය. එංගලන්තයේ ආගම් අනුව ප්‍රතිශතය ක්රිස්තියානි: 72% ආගමක් නොමැති: 16% මුස්ලිම්: 3% හින්දු : 1%කි.