ඉරාන ජනාධිපති මොහොමඞ් අහමදිනෙජාද් ගමන් කළ හෙලිකොප්ටරයක යාන්ති‍්‍රක දෝෂයක් හට ගැනීමෙන්, එය හදිසියේ ගොඩබෑමට එහි නියමුවාට සිදුවිය.
එයින් ජනපතිවරයාට හෝ යානයේ ගමන් කළ කිසිවකුට හෝ අනතුරක් සිදු නොවිණි.
එම අවස්ථාවේදී ජනපතිවරයා ඔහුගේ ආරක්ෂක නිලධාරීන් සහ රාජ්‍ය නිලධාරීන් පිරිසක් ද පිරිවරාගෙන උතුරුදිග ඉරානයේ  උමං මාර්ගයක් විවෘත කිරීමේ උත්සවයකට සහභාගී වීමට යමින් සිටියේය.
හෙලිකොප්ටරයේ දෝෂය හටගන්නා විට එය උතුරුදිග ඉරානයේ කඳුකරබඳ ප‍්‍රදේශයකට ඉහළින් පියාසර කරමින් තිබිණි. එය ගොඩබෑවේ වනාන්තර ප‍්‍රදේශයකටය. වහා කි‍්‍රයාත්මක වූ ආරක්ෂක නිලධාරීන් විනාඩි කිහිපයක් ඇතුළතදී එම ස්ථානයට පැමිණි බව ද වාර්තා වේ.
ජනපතිවරයාගේ දිවි බේරුණේ හෙලිකොප්ටරයේ නියමුවාගේ දස්කමින් යැයි ද ඉරාන පුවත් සේවා වැඩි දුරටත් කියා සිටී. සිද්ධිය ගැන විශේෂ පරීක්ෂණයක් පැවැත්වෙන බව ද පැවැසෙයි.