බටහිර ඉරාකයේ හමුදා කඳවුරකට අයත් බසයක අටවා තිබූ බෝම්බයක් ඊයේ (14) දහවල් පුපුරා යාම නිසා පුද්ගලයන් 15 දෙනකු මියගිය අතර 20 දෙනෙක් තුවාල ලැබූහ.බැග්ඩෑඩ් නගරයට කි.මී. 85ක් බටහිර දෙසට පිහිටි ෆලූජා නගරය අසල හබානියා හමුදා කඳුවුර තුළ සිදු වූ මෙම බෝම්බ පුපුරා යාම හේතුවෙන් එහි ගොඩනැගිලිවලටද හානි සිදුවී ඇතැයි හමුදා කඳවුරේ උසස් නිලධාරියෙක් පැවසීය.උදය වරුවේ පුහුණුව නිමවීමෙන් පසු දිවා ආහාරය සඳහා සෙබළු රැගත් බසය කඳවුරේ අවන්හලක් වෙත ළඟාවෙමින් තිබියදී බෝම්බය පුපුරා ගිය බව එම නිලධාරියා තව දුරටත් පැවසීය.තවත් ස්ථානයක සිදුවූ බෝම්බ පිපිරීමක් නිසා අඩු තරමින් 25වත් තුවාල ලබා ඇතැයි ප්රංශ පුවත් සේවය කියා සිටී.පාකිස්තානයේ, අල්හම්සා නගරයේ, අවන්හලක් හා සාප්පු සංකීර්ණයක් ඉදිරියේ සිදු වූ මෙම බෝම්බ පිපිරීමේ වගකීම මෙතෙක් කිසිවකු භාරගෙන නොමැත.ඇමෙරිකාව ප්රමුඛ හමුදා ඉරාකය අත්කර ගෙන වසර නවයකට වැඩි කාලයක් ගතවී ඇති අතර, ඉරාක තුළ බෝම්බ පිපිරවීම් දැනට සුලභ සිද්ධීන් බවට පත වී තිබේ.ඉරාක හමුදා ඉලක්ක කරගෙන එල්ල වන ප්රහාර වැඩිවෙමින් පවතී. ඉරාක පොලිසියට හා හමුදාවට තවත් පුහුණුව ලබාදීම සඳහා ඇමෙරිකානු භට පිරිස් අවශ්ය හෙයින් මේ වසරේ දෙසැම්බර් 31ට සියලූම ඇමෙරිකානු හමුදා ඉවත් නොකරන ලෙස ඉල්ලීම් කිරීමට ඉරාන දේශපාලන නායකයෝ තීරණය කර සිටිති.
ශ්රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
ඉරාකයේ හබානියා හමුදා කඳවුරේ බෝම්බ පිපිරීමක්