අන්තර් පාසල් ක්‍රිකට් තරඟයක එක් ඉනිමක දී පෞද්ගලිකව ලකුණු දහසක සීමාව පළමු වරට පසුකර යාමට ඉන්දිය පාසල් ක්‍ර‍ීඩයකු වන ප්‍ර‍නව් ධනවඩේ සමත්ව සිටියි. ඔහු ලැබූ ලකුණු සංඛ්‍යාව 1009 කි. මේ සඳහා ඔහු මුහුණ දි ඇත්තේ පන්දු 323කට පමණක් බව ද ඉන්දීය මාධ්‍ය වාර්තා කරයි. ඔහු මෙම ලෝක වාර්ථාව තබා ඇත්තේ පසුගියදා ඉන්දියාවේ පැවැති එච්ටී බණ්ඩාරි කුසලාන අන්තර් පාසැල් ක්‍රිකට් තරඟාවලියේදීය.

පහළොස් හැවිරිදි ප්‍රවීන් බිඳදමා ඇත්තේ  1899 වර්ෂයේදි ආතර් කොලින්ස් විසින් ලකුණු 628ක් ලබා ගනිමින් තබා තිබූ  වාර්තාවයි.

ප්‍රවීන්ගේ  පිති හරඹයට හයේ පහරවල් 59ක් සහ හතරේ පහරවල් 127ක් අයත් විය. “මම වාර්ථාවක් තැබීමට හිතාගෙන ක්‍රීඩා කළේ නැහැ. ඒත් ලෝක වාර්තාවට ලංවූ පසු මට එය අභිබවා යා හැකි බව පැහැදිලි වුනා“ යැයි ප්‍රවින් මාධ්‍යට පවසා ඇත.