ඉන්දියානු පාලන කාෂ්මීර ප්‍රදේශයේදී ට්‍රක් රථ රියදුරන් දෙදෙනකු මරාදමා ඔවුන්ගේ රථවලට ගිනි තබා ඇතැයි පොලිසිය පවසයි.
 
ඇපල් වගාවට ප්‍රසිද්ධියක් උසුලන කාෂ්මීරයේ ෂොපියන් දිස්ත්‍රික්යේ දී මෙම ඝාතන සිදුව ඇති අතර ට්‍රක් රථ දෙකේ ඇපල් පුරවා තිබූ බව සඳහන් වේ.
 
පොලිසිය පවසන්නේ සිද්ධියෙන් තුවාල ලැබූ පුද්ගලයකු රෝහල් ගතකළ බවයි.
 
ත්‍රස්ත කල්ලි විසින් මෙම ඝාතන සිදු කරන්නට ඇතැයි සැකකරන බව පොලිසියේ උසස් නිලධාරියකු මාධ්‍යයට පවසා ඇත.
 
කාෂ්මීර ප්‍රදේශයට ලබාදී තිබූ ස්වතන්ත්‍ර පාලන තත්ත්වය පසුගිය අගෝස්තු මාසයේදී ඉන්දියානු රජය විසින් අහෝසි කිරීමෙන් පසු කලාපයේ ප්‍රචණ්ඩ ක්‍රියා වර්ධනය වුණු බව ද සඳහන් වේ.
 
(රොයිටර් පුවත් ඇසුරිනි - 085)