ඇමෙරිකාවේ ඇරිසෝනා ප‍්‍රාන්තයේ පැතිර ගිය මහා ලැව් ගින්න නිවා දැමීමට උත්සහ කළ ගිනි නිවන භටයෝ 19 දෙනෙක් පෙරේදා (1) එම ගින්නට හසුවීමෙන් ජීවිතක්ෂයට පත්වූහ.
ලැව් ගින්න හටගත්තේ ඉකුත් 30 වැනිදා රාති‍්‍රයේ සිටය. ඒ, ඇමෙරිකාව හරහා උණුසුම් වායු ධාරාවක් ඇදී යෑමත් සමඟය. ගින්න හටගත්තේ යානෙල් හිල් නමැති වනාන්තර ප‍්‍රදේශයේය.
ගින්න නිවා දැමීමට ගිය එම ගිනි භට කණ්ඩායම අනපේක්ෂිත අයුරින් ගින්නට කොටු වී ඇත.
මියගිය ගිනි භටයන් ගැන ශෝකය පළ කළ ඇමෙරිකා ජනපති ඔබාමා ඔවුන් ජාතික වීරයන් ලෙස හැඳින්වීය.