උතුරු කොරියාවට පනවා ඇති සම්බාධක ලිහිල් කිරීමට ඇමරිකාව එකඟ නොවීම හේතුවෙන් ඇමරිකානු ජනපති ඩොනල්ඩ් ට්‍රම්ප්  මහතා සහ උතුරු කොරියානු නායක කිම් ජොන් උන් මහතා අතර පැවති සාකච්ඡා එකඟතාවයක් නොමැතිව අවසන් වී ඇතැයි වාර්තා වේ.
 
"ඔවුන්ට අවශ්‍ය වුණේ සම්බාධක ලිහිල් කර ගැනීමට, එත් අපිට එය කරන්න බැහැ. සමහරවිට ඔබට හෙමින් ගමන් කරන්න වෙනවා, මෙය එවැනි අවස්ථාවක්" යැයි සාකච්ඡාව අවසානයේ පැවති මාධ්‍ය හමුවේදී ඇමරිකානු ජනපතිවරයා පවසා ඇත.
 
කෙසේ වුවද දෙරට අතර තෙවන සාකච්ඡා වටයක් සඳහා සැලසුම් කර නැතැයි ද සඳහන් වේ.
 
න්‍යෂ්ටික අවිහරණයේ ප්‍රගතිය සම්බන්ධව ඉදිරියේදී පැහැදිලි කිරීමට බලාපොරොත්තු වන බව ද දෙරටේ නායකයින් පවසා ඇත.
 
වියට්නාමයේ හැගෝයි නුවර පැවැත්වුණ මෙම සාකච්ඡා වටය වේලාසනින්ම අවසන් වූ බවද මාධ්‍ය වාර්තා කර ඇත.
 
(බීබීසී ඇසුරිණි - 085)