මොස්කව්හිදීය (රොයිටර්)
 
 
අවුල්ජාලයක් බවට පත්ව තිබෙන ඇමෙරිකාව සමඟ තිබෙන සබඳතා යථා තත්ත්වයට පත් කිරීමට රුසියාව සූදානම් බව එරට විදේශ අමාත්‍ය සර්ගේ ලැව්රොව් පැවැසීය. 
 
රුසියාව සමඟ සාමාන්‍ය සංවාදයක් පැවැත්වීමට ඇමෙරිකා ජනාධිපති ඩොනල්ඞ් ට්‍රම්ප්ට තිබෙන කැමැත්ත සළකා බලමින් ඒ ගැන අවධානය යොමු කරන බව ද රුසියානු විදේශ අමාත්‍යවරයා කීවේය. 
 
කෙසේ නමුත් ඇමෙරිකා එක්සත් ජනපදය තුළ රුසියානු විරෝධී සිතුවිල්ල එම සාකච්ඡාවලට බාධාවක් යැයි ද රුසියානු විදේශ අමාත්‍යවරයා පෙන්වා දුන්නේය.
 
“දෙරට ඇති අවුල්ජාලය විසඳන්න අපේ පැත්තෙන් විය යුතු දේවල් කරන්න අපි සූදානම්” ජර්මනියේ ඩී.පී.ඒ පුවත් සේවය සමඟ සම්මුඛ සාකච්ඡාවකට එක්වෙමින් රුසියානු විදේශ අමාත්‍යවරයා කීය. 
 
ඇමෙරිකා එක්සත් ජනපදයේ ක්‍රියාකාරකම් නිසා දෙරට අතර අර්බුදය උග්‍ර අතට හැරෙන බව ද හෙතෙම පැවැසීය. 
 
055