IMG-LOGO

2025 ජුලි මස 19 වන සෙනසුරාදා


ඇමෙරිකාවට පහර දෙන්න ප‍්‍රබල අවි අපට තිබෙනවා

ඕනෑම අවස්ථාවක ඇමෙරිකාවට ප‍්‍රහාරයක් එල්ල කිරීමට තමන්ට ශක්තියක් ඇතැයි උතුරු කොරියාව පවසයි. උතුරු කොරියා හමුදා වයිස් මාෂල් රී යොං හෝ ඇමෙරිකාවට එම අනතුරු ඇඟවීම කළේ ඊයේ (26) උතුරු කොරියා හමුදාවේ 80 වැනි සංවත්සරය වෙනුවෙන් පැවැති හමුදා පෙළපාළියට සහභාගී වූ අවස්ථාවේදීය. යොං හෝ වැඩි දුරටත් කියා සිටියේ ඇමෙරිකාවට පහර දීමට ප‍්‍රබල අවි ආයුධ තම හමුදාව සතුව ඇති බවය. උතුරු කොරියාව තෙවැනි වරටත් න්‍යෂ්ටික අවියක් අත්හදා බැලීමට සූදානමින් සිටින බව ද යොං හෝ එම අවස්ථාවේදී තහවුරු කළේය. ඇමෙරිකාව ප‍්‍රමුඛ බටහිර රටවල් සම්බාධක පනවා උතුරු කොරියාව ලොවෙන් හුදෙකලා කර ඇත්තේ ඔවුන් මීට පෙර සිදුකළ න්‍යෂ්ටික අත්හදා බැලීම් නිසාය. ඇමෙරිකාව තරයේ කියා සිටින්නේ උතුරු කොරියාව ලොවට තර්ජනයක් බවය. මේ අතර දකුණු කොරියාව සමඟ එක් වී ඇමෙරිකාව තම රටට එල්ල කරන තර්ජන තවත් ඉවසා සිටිය නොහැකි යැයිද රී යොං හෝ පවසයි. තම හමුදාව සතු අවි ආයුධවලින් එල්ල කරන එක් ප‍්‍රහාරයකින් ඇමෙරිකාව අඩපණ කිරීමට තමන්ට හැකියැයි ද ඔහු අවධාරණය කළේය. එපමණක් නොව තමන්ට එදිරිවාදිකම් කිරීමේ වරදට දකුණු කොරියාව විනාශ කිරීමට ද පසුබට නොවන බව රී යොං හෝ පවසයි. ඇමෙරිකාව පවසන්නේ උතුරු කොරියාවට ඔවුන්ගේ යුද ශක්තිය වර්ධනය කර ගැනීමට සහාය දෙන්නේ චීනය බවය. උතුරු සහ දකුණු කොරියාව අතර මැදහත්කරුව සිටින්නේ ද චීනයයි. ඇමෙරිකානුවන් ආසියා කලාපයේ ඔවුන්ගේ බලය වර්ධනය කර ගැනීමට ගන්නා උත්සාහයට චීනය දැඩි විරෝධයක් එල්ල කරයි. මේ වනවිට ඇමෙරිකාව පිලිපීනයත් සමඟ එක්වී පවත්වන යුද අභ්‍යාසයට ද චීනය විරෝධය පළ කර ඇත. මීට සති කිහිපයකට පෙර, උතුරු කොරියාව රොකට්ටුවක් ආධාරයෙන් චන්ද්‍රිකාවක් කක්ෂගත කිරීමට උත්සාහ කළත් එය අසාර්ථක විය. ඇමෙරිකාවත් දකුණු කොරියාවත් ජපානයත් එම අවස්ථාවේදී තරයේ කියා සිටියේ උතුරු කොරියාව න්‍යෂ්ටික මිසයිලයක් අත්හදා බැලීමට උත්සහ කළ බවය. උතුරු කොරියාව යුද ශක්තිය ප‍්‍රදර්ශනය කරමින්.... උතුරු කොරියාව ඇමෙරිකාවට කළ අනතුරු ඇඟවීමත්, යළිත් වරක් න්‍යෂ්ටික අවියක් අත්හදා බලන බව නිවේදනය කිරීමත් සමඟ ඊට විරෝධය දක්වමින්, දකුණු කොරියානුවෝ ඊයේ (26) උතුරු කොරියානු නායක කිම් ජොං උන්ගේ ඡායාරූපවලට ගිනි තබමින් සෝල් අගනුවර විරෝධතාවක් පැවැත් වූහ.



අදහස් (0)

ඇමෙරිකාවට පහර දෙන්න ප‍්‍රබල අවි අපට තිබෙනවා

චන්දවිමල හිමි Friday, 27 April 2012 09:45 AM

මේ දෙගොල්ලොම එකයි ‍නේද ? අහවල් දේකට බෙදිලද ? එකා වන්ව සිටියනම් මොනතරම් බලයක්ද ? ඒක තේරුම් ගන්න හොදම කාලය දැන්. දේශපාලනය තමයි හැමටම මුල.

:       0       0

සුපුන් ලක්ෂාන් Sunday, 29 April 2012 09:22 PM

ඇල්බට් අයින්ස්ටයින් කියලා තියෙන්වලු 3 වන ලෝක යුද්ධයක් ඇතිවුනොත් ඒක තියෙන්නෙ ටික කාලයයි, නමුත් 4 වන ලෝක යුද්ධයේදි මිනිස්සු සටන් කරන්නෙ ගල් මුල් වලින් කියල...

:       0       0

එස්.එල්.ටී.කේ. Friday, 27 April 2012 05:19 PM

හැබැයි මහජනතාව බඩගින්නේ නේද ?

:       0       0

ගීත් Monday, 30 April 2012 01:46 AM

ඉවසනවා කියලා හැමදාමත් ඉවසන්න පුළුවන්ද?

:       0       0

මකරා Monday, 30 April 2012 08:26 AM

කියකියා ඉන්නේ නැතිව වැඩේ කළා නම් හරි නේද?

:       0       0

ඔබේ අදහස් එවන්න

 

 
 

මේවාටත් කැමතිවනු ඇති

අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්. 2025 ජුලි මස 15 414 0
අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්.

ඔබේ දරුවාට සංජානනය වන හෘද දෝෂයක් (CHD) තිබේ නම් සහ ඔබට ප්‍රතිකාර සඳහා මුදල් වැය කිරීමට නොහැකි නම්, අපි ඔබේ දරුවා වෙනුවෙන් ඒ මහැඟි සත්කාරය ඉටු කර දීමට කැප වී

පාසල් දරුවන්ට හිස්වැසුම් බෙදා දීම 2025 ජුලි මස 14 582 0
පාසල් දරුවන්ට හිස්වැසුම් බෙදා දීම

ශ්‍රී ලංකාවේ පැරණිතම සහ විශාලතම මෝටර් රථ සංවිධානය වන ලංකා ඔටෝමොබයිල් සංගමය (AAC), ’’මෝටර් රථ හිමියන්ගේ හඬ’’ සහ ’’මෝටර් රථ හවුල්කරු’’ ලෙස ප්‍රසිද්ධය. රට තු

සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය 2025 ජුලි මස 14 235 0
සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය

ශ්‍රී ලංකාවේ ප්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී සිය දීප ව්‍යාප්ත ශාඛා ජාලයේ 54 වැනි ශාඛාව පසුගියදා කඩුවෙල නගරයේදී විවෘත කෙරිණ.

Our Group Site