(විජේරත්න රත්නායක)

එකම පවුලේ සහෝදරයන් දෙදෙනෙක්ට අයත් නිවාස දෙකකින් රුපියල් පනස් දහසක් වටිනා රන් පෙන්ඩන්ට් දෙකක් සොරකම් කළ බවට සැකපිට තරුණයින් දෙදෙනෙක් හාලිඇල පොලිසිය මඟින් අද (16) අත්අඩංගුවට ගෙන තිබේ.

මෙසේ අත්අඩංගුවට ගෙන ඇත්තේ ඇල්ල පොලිස් වසමට අයත් දෙමෝදර ගවරවෙල පදිංචි වයස අවුරුදු 20 ක් හා අවුරුදු 21 ක් වන තරුණයින් දෙදෙනෙකි.

හාලිඇල කීරියගොල්ල ප්‍රදේශයේ අදාළ නිවෙස් දෙකෙහි දිවා කාලයේ කිසිවෙක් නොමැති අවස්ථාවේ මොවුන් එම නිවාසවල ජනෙල් ගලවා ඇතුළුවී එක් නිවසක වූ රුපියල් විසි දහසක් වටිනා රන් පෙන්ඩන්ට් එකක් සහ අනෙක් නිවසේ තිබූ රුපියල් තිස් දහසක් වටිනා රන් පෙන්ඩන්ට් එකක්ද සොරකම් කර ඇතැයි පැවසේ.

සැකකරුවන් අධිකරණයට ඉදිරිපත් කිරීමට නියමිතව ඇති අතර හාලිඇල පොලිසිය සිද්ධිය සම්බන්ධයෙන් වැඩිදුර පරීක්ෂණ සිදුකරයි.