(මොහොමඩ් ආසික්)
 
පූජාපිටිය ප්‍රාදේශීය ලේකම් කොට්ඨාසය තුල ජාතීන් අතර සහජීවනය ඇති කිරීම අරමුණු කරගෙන පූජාපිටිය ප්‍රාදේශීය ලේකම් කාර්යාලය , පූජාපිටිය පොලිසිය , ප්‍රදේශයේ භික්ෂූන් වහන්සේලා සහ මුස්ලිම් ආගමික පූජකවරුන් එක්ව සංවිධනය කළ සහජීවන වැඩමුළුවක් අද (03)  බොක්කාවල මොරන්කන්ද ඥාණාලෝක බෞද්ධ මධ්‍යස්ථානයේදී පැවැත්විණ.
 
මහනුවර දිස්ත්‍රික්කයේ පසුගිය දිනවල ඇතිවූ කලබලකාරී තත්ත්වයන්ට  වැඩි වශයෙන් මුහුණ දුන්  ප්‍රදේශයක් ලෙස පූජාපිටිය ප්‍රාදේශීය ලේකම්  කොට්ඨාසය හැඳින්විය හැකියි.
 
මෙම  අවස්ථාවට මහා සංඝරත්නය මුස්ලිම් පූජකවරුන් ඇතුළු විශාල පිරිසක් එක්ව සිටියහ.
 
මහනුවර සහකාර පොලිස් අධිකාරි ලලිත් අබේසේකර ,  පූජාපිටිය ප්‍රාදේශිය ලේකම් මංජුලා මඩහපොළ , පූජාපිටිය පොලිස් ස්ථානාධිපති පොලිස් පරීක්ෂක කුලරත්න යන මහත්ම මහත්මීන් මෙම අවස්ථාවට එක් වූහ.