(මොහොමඩ් ආසික්)

මහනුවර දිස්ත්‍රික්කයේ පැවැති අධික නියඟය හේතුවෙන් ප්‍රාදේශීය ලේකම් කොට්ඨාස දෙකක පවුල් 750 කට අයත් පුද්ගලයින් 2600 කට වැඩි පිරිසක් මැයි මාසය තුළත් පීඩාවට පත්ව ඇති බව මහනුවර දිස්ත්‍රික් ආපදා කළමණාකරණ මධ්‍යස්ථානය ප්‍රකාශ කරයි.
මහනුවර දිස්ත්‍රික් ආපදා කළමණාකරණ මධ්‍යස්ථානයේ සහකාර අධ්‍යක්ෂ ඉන්දික රණවීර මහතා ප්‍රකාශ කළේ, මහනුවර ප්‍රදේශයට කඩින් කඩ වැසි ඇති වුවද එම වැසි ප්‍රමාණවත් නොවීම නිසා පීඩාවට පත්ව ඇති පුද්ගලයින් තවමත් යථා තත්වයට පත්ව නොමැති බවයි.
මෙලෙස පීඩාවට පත්ව ඇති පුද්ගලයින් අතර හාරිස්පත්තුව ප්‍රාදේශීය ලේකම් කොට්ටාසයේ පවුල් 593 කට අයත් පුද්ගලයින් 2009 ක්ද කුණ්ඩසාලේ ප්‍රාදේශීය ලේකම් කොට්ඨාසයේ පවුල් 150 කට අයත් පුද්ගලයින් 600 ක්ද අයත්ව   ඇති බවද ආපදා කළමණාකරණ මධ්‍යස්ථානය කියයි.