බිමල් ශ්‍යාමන් ජයසිංහ සහ ශාන්ත ප්‍රදීප් කුලරත්න
 
රුපියල් විසි ලක්ෂයකට අධික වටිනාකමින් යුත් ත්‍රි රෝද රථ හතරක් සොරාගෙන රුපියල් 40,000ට විකුණා හෙරොයින් මත්කුඩු පානය කළ පුද්ගලයෙකු හා ඒවා මිලදී ගත් පුද්ගලයා අද (21) බම්බලපිටියේදී අත්අඩංගුවට ගත් බව බම්බලපිටිය පොලිසිය පවසයි.

සොරාගෙන තිබූ ත්‍රි රෝද රථයක් හා ත්‍රි රෝද රථ තුනක කොටස් පොලිසිය බාරයට ගෙන ඇත.

ඉකුත් 05 වැනි දා බම්බලපිටිය සුපිරි වෙළඳ සංකීර්ණයක් අසළ නතර තර තිබූ රුපියල් පන්ලක්ෂ පනස් දහසක් පමණ වටිනා ත්‍රී රෝද රථයක් සොරාගෙන ඇති බවට පොලිසියට ලද පැමිණිල්ලක් අනුව සිදු කළ පරීක්ෂණවලින් සැකකරුවන් අත්අඩංගුවට ගෙන ඇති පොලිසිය පවසයි.