(දිල්රුක්ෂි ග්‍රේරු)
 
මන්නාරම උලුක්කුලම ප්‍රදේශයේ කළ වැටලීමකදී ලක්ෂ හතලියකට අධික වටිනාකමකින් යුත් කේරළ ගංජා තොගයක් සමඟ සැකකරුවකු අත්ඩංගුවට ගත් බව විශේෂ කාර්ය බළකාය පවසයි.

නාවික හමුදා බුද්ධි අංශයට ලද තොරතුරක් මත වව්නියාව පරයානම්කුලම් විශේෂ කාර්ය බලකා සෙබළුන් එක්ව මෙම වැටලීම සිදු කර තිබේ.

 සැකකරු සතුව තිබී කේරළ ගංජා  කිලෝග්‍රෑම් 130 කට අධික ප්‍රමාණයක් අත්අඩංගුවට ගෙන ඇත.

වව්නියාව පරයානම්කුලම් විශේෂ කාර්ය බළකා කඳවුරේ අණදෙන නිලධාරී  ප්‍රධාන පොලිස් පරීක්ෂක ඩබ්.සී.ඒ.එස් සිල්වා ඇතුළු නිලධාරන් පිරිසක්  මෙම වැටලීමට එක් වු අතර  වව්නියාව කළාප අණ දෙන නිලධාරී  පොලිස් අධිකාරී සිල්වෙස්ටර් විජේසිංහ මහතාගේ උපදෙස් පරිදි මෙම වැටලීම සිදු කළහ.

සැකකරුගෙන් වැඩිදුර ප්‍රශ්න කෙරෙන අතර අධිකරණයට ඉදිරිපත් කිරීමට නියමිතය. සැකකරු වව්නියාව පොලිසියට බාර දි තිබේ.