IMG-LOGO

2025 ජුලි මස 19 වන සෙනසුරාදා


කරාපිටිය රෝහලකට හානිකිරීමේ දර්ශන පොලිසියට ලබාදෙන්නැයි නියෝග

(ඩී. ජී. සුගතපාල)
 
ගාල්ල හිරිඹුර ප්‍රදේශයේ එකම පවුලේ දරුවන් දෙදෙනෙකු ඩෙංගු රෝගය වැළඳී මියයාමත් සමඟ කෝපයට පත් ප්‍රදේශයේ ජනතාව ඉකුත් සිකුරාදා(12) ගාල්ල කරාපිටිය මාර්ගය අවහිර කරමින් අලුතෙන් ඉදිකරගෙන යනු ලබන  පෞද්ගලික රෝහල් ගොඩනැගිල්ලකට සහ එහි උපකරණවලට ගිනි තබා හානි කිරිමේ සිද්ධියේ දර්ශන පොලිසියට ලබාදෙන ලෙසට ගාල්ල වැඩ බලන මහේස්ත්‍රාත් සෝමසිරි උඩුවැල්ල මහතා අද (16) රූපවාහිනී ආයතනවලට නියෝගයක් නිකුත් කළේය.
 
වැඩ බලන මහේස්ත්‍රාත්වරයා මෙසේ නියෝග කළේ ගාල්ල පොලිසිය කරන ලද ඉල්ලීමක් සළකා බැලීමෙන් පසුවය.
 
ඉකුත් 4වනදින හිරිඹුර ප්‍රදේශයේ පස් හැවිරිදි පිරිමි ළමයෙකු ඩෙංගු රෝගයෙන් මියගිය ඇති අතර ඔහුගේ අට හැවිරිදි  සොහොයුරාද ඩෙංගු රෝගයෙන් 12වන දින මිය ගියේය. ඒ සමඟ කුපිතවු ජනතාව ගාල්ල කරාපිටිය මාර්ගයේ ටයර් පුළුස්සා අවහිර කළ අතර මේ නිසා කරාපිටිය රෝහලට යාමට පැමිණි රෝගීන් ඇතුළු විශාල පිරිසක් අපහසුවට පත්වූහ. ගාල්ල වඳුරඹ, ගාල්ල- මාපලගම, ගාල්ල -යක්කලමුල්ල, ගාල්ල- අක්මීමණ ආදි මාර්ගවල ගමන් ගන්නා වාහනවලටද ගමන් කිරීමට නොහැකිවීම නිසා විශාල වාහන තදබදයක්ද පැවතිණි.
 
එහි පැමිණි ගාල්ල මහ නගර සභාවේ ගිනි නිවීමේ ඒකකයේ රථ දෙකකටද විරෝධතාකරුවන් පහරදීම එක් රථයකට අලාභ හානි සිදුවිය. විරෝධතාකරුවෝ ඩෙංගු මදුරුවන් බෝවන්නේ  ඒ අසළ ඉදිකරමින් පවතින පුද්ගලික රෝහල් වැඩ බිමකින් බව පවසා ඊට ඇතුළු වී ගොඩනැගිලිවලට සහ ඉදිකිරීම් සමාගමේ යන්ත්‍ර සූත්‍රවලටද ගිනි තැබූහ.
 
මෙම සිද්ධියෙන් පසුව සිදුවූ අලාභ හානි සම්බන්ධයෙන් ඒ ඒ ආයතන විසින් පැමිණිලි කර ඇති අතර සිදුව ඇති අලාබ පසුව ලබාදියයුතු බවද පැමිණිලිකරුවෝ පවසා ඇත.
 
එම පැමිණිලි අනුව අධිකරණයට කරුණු වාර්තාකර විරෝධතාවේ දර්ශන ලබා ගැනීම සඳහා රූපවාහිනි ආයතනවලට නියෝගයක් නිකුත් කරන ලෙස පොලිසිය කරන ලද ඉල්ලීම සළකා බැලූ වැඩ බලන මහේස්ත්‍රාත්වරයා මෙම නියෝගය නිකුත් කළේය.



අදහස් (1)

කරාපිටිය රෝහලකට හානිකිරීමේ දර්ශන පොලිසියට ලබාදෙන්නැයි නියෝග

de silva berlin Tuesday, 16 April 2019 03:34 PM

දොස්තර මාෆියාව පසුගිය කාලයේ ක්‍රියාකළ ආකාරය සහ රජයට ඔවුන්ව පාලනය කිරීමට බැරිබව දැක්කම මිනිසුන්ට ඉතාමත් කලකිරීමක් ඇතිවෙලා, මිනිස්සුන්ගේ කලකිරීම කෝපයකට හැරිලා, මිනිස්සු නිතිය අතට අරන් පුද්ගලික රෝහල්, චැනල් කඩ, දොස්තරලට සහ ඔවුන්ගේ දේපල වලට පහර දෙන්න පටන් අරන්. මේවා උසාවි පොලිසි ගිහින් විසදන්න බැරිය විශාල ආකල්පමය වෙනසක් සිදුවිය යුතුය. දොස්තරලා යුරෝපයේ සහ කියුබාවේ කරන විදිහට පුරවැසියන්ට කාරුණිකව හොඳින් කතා කර සොයා බලා ප්‍රතිකාර කිරීමටත්, ජිවිත අනතුරේ දමමන් මුදල් පසුපස දිවීම නතර කිරීම් සහ තම වාසිය තකා කරන රෝගී ජිවිත අනතුරේ දමමින් කරන අසාධාරණ වර්ජන නතර කිරීමට කාලය පැමිණ ඇත, නැත්නම් ඉදිරියටත් දිගින් දිගටම මෙවැනි පහරදීම් සිදුවී , විශාල අර්බුදයක් ඇතිවිය හැක

:       240       97

ඔබේ අදහස් එවන්න

 

 
 

මේවාටත් කැමතිවනු ඇති

අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්. 2025 ජුලි මස 15 392 0
අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්.

ඔබේ දරුවාට සංජානනය වන හෘද දෝෂයක් (CHD) තිබේ නම් සහ ඔබට ප්‍රතිකාර සඳහා මුදල් වැය කිරීමට නොහැකි නම්, අපි ඔබේ දරුවා වෙනුවෙන් ඒ මහැඟි සත්කාරය ඉටු කර දීමට කැප වී

පාසල් දරුවන්ට හිස්වැසුම් බෙදා දීම 2025 ජුලි මස 14 550 0
පාසල් දරුවන්ට හිස්වැසුම් බෙදා දීම

ශ්‍රී ලංකාවේ පැරණිතම සහ විශාලතම මෝටර් රථ සංවිධානය වන ලංකා ඔටෝමොබයිල් සංගමය (AAC), ’’මෝටර් රථ හිමියන්ගේ හඬ’’ සහ ’’මෝටර් රථ හවුල්කරු’’ ලෙස ප්‍රසිද්ධය. රට තු

සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය 2025 ජුලි මස 14 230 0
සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය

ශ්‍රී ලංකාවේ ප්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී සිය දීප ව්‍යාප්ත ශාඛා ජාලයේ 54 වැනි ශාඛාව පසුගියදා කඩුවෙල නගරයේදී විවෘත කෙරිණ.

Our Group Site