(නාලක සංජීව දහනායක)
 
ශ්‍රී ලංකා පොදුජන පෙරමුණ හා ශ්‍රී ලංකා නිදහස් පක්‍ෂය එක්ව පිහිටුවනු ලබන සන්ධානයේ ජනාධිපතිවරණ අපේක්‍ෂකයා නම් කිරීමේ සම්පූර්ණ අයිතිය විපක්‍ෂනායක මහින්ද රාජපක්‍ෂ මහතා ප‍්‍රමුඛ තම පක්‍ෂයට අයිති වැඩක් යැයි ශ්‍රී ලංකා පොදුජන පෙරමුණේ සභාපති මහාචාර්ය ජී.එල් පීරිස් මහතා අද (11)  පැවැසීය.
 
ඒ අයිතිය වෙනත් පාර්ශවයකට පවරා දීමට කිසිම සූදානමක් නැතැයි කී මහාචාර්යවරයා තම තීරණය සමඟ එකඟවීමට අනෙක් පාර්ශවවලට සිදුවන බවද කීය.
 
කෙසේ වෙතත් මේ වනවිට සන්ධානගතවීම සම්බන්ධයෙන් පක්‍ෂ දෙක අතර සාකාච්ඡා පැවැත්වෙන බවත් සන්ධානගතවීමකදී ශ‍්‍රී ලංකා පොදුජන පෙරමුණේ අනන්‍යතාවයට හානියක් සිදුවීමට ඉඩක් නොතබන බවද සඳහන් කළේය.
 
බත්තරමුල්ල, නෙළුම් මාවතේ පිහිටි ශ්‍රී ලංකා පොදුජන පෙරමුණේ පක්‍ෂ කාර්යාලයේදී අද (11) පැවැති මාධ්‍ය හමුවකට එක්වෙමින් මහාචාර්යවරයා මේ බව සඳහන් කළේය.