ළමාරක්ෂක අධිකාරියේ සභාපති ඉල්ලා අස්වෙයි

(සුජිත් හේවාජුලිගේ )

ජාතික ළමාරක්ෂක අධිකාරියේ සභාපති මහාචාර්ය මුදිත විදානපතිරණ මහතා එම තනතුරින් ඉල්ලා අස්වී ඇත.

රාජ්‍ය ඇමැතිවරයා සමග ඇතිවූ කිසියම් මත ගැටුමක් හේතුවෙන් ඔහු මෙසේ ඉල්ලා අස්වී ඇති බව විශ්වාස කටයුතු ආරංචි මාර්ගවලින් දැනගන්නට ඇත.

මේ සම්බන්ධයෙන් වට්ස් අප් සමාජ ජාලයේ සටහනක් තබන මුදිත විදානපතිරණ මහතා සඳහන් කරන්නේ තමා ජාතික ළමාරක්ෂක අධිකාරියේ සභාපති ධූරයෙන් ඉල්ලා අස්වූ බවයි.

තමාගේ රාජකාරි කටයුතුවලදී එදා මෙදා තුර සහාය දැක්වූ සියලු දෙනාට ස්තූතිවන්ත වන බවද ඔහු එම සටහන මඟින් වැඩිදුරටත් දැනුම්දී ඇත.

මේ සම්බන්ධයෙන් අප ළමා සංවර්ධන රාජ්‍ය අමාත්‍ය පියල් නිශාන්ත ද සිල්වා මහතාගෙන් කළ විමසුමකදී ඔහු සඳහන් කළේ තමාට ඒ ගැන තවමත් දැනුම් දී නැති බවයි.

තමාගේ වේගයට ගමන් කළ හැකි පුද්ගලයන් ආයතනවල සිටිය යුතු බවද තමාට අවශ්‍ය වන්නේ වැඩ මිස කතාව නොවන බවද රාජ්‍ය ඇමැතිවරයා ප්‍රකාශ කළේය.

මේ සම්බන්ධයෙන් අප මහාචාර්ය මුදිත විදානපතිරණ මහතාගෙන් කරුණු විමසීමට උත්සාහ දැරුවද එය ව්‍යාර්ථ විය.

අදහස් (9)

ළමාරක්ෂක අධිකාරියේ සභාපති ඉල්ලා අස්වෙයි

ravin Monday, 25 October 2021 02:46 PM

කිසිම උගත්කමක් ,සුදුසුකමක් නැති උදවිය රටේ උත්තරීතරයි කියන තැනක ඉන්නකොට උගතුන් හට වැඩ බැහැ

: 3 58

චන්දන Monday, 25 October 2021 03:50 PM

ලංකාවේ දරුවන්ගේ ආරක්ෂාවේ නෛතික ස්වභාවය ස්ථාපිත කිරීමට කැපවී ක්‍රියාකළ උගත් මහත්මයෙක්... විද්‍යාවට වඩා මිථ්‍යාවට කන්දෙන කාලයක් මේක...

: 1 32

dasun Monday, 25 October 2021 03:50 PM

කවටයින් රාජ්‍ය ඇමැති වුණාම ඔහොම තමයි ලොක්කා...

: 2 38

kamal Monday, 25 October 2021 03:55 PM

මේ දක්වා ඉතාම පැහැදිලියි අපේ උගත් අය ඉතා ඉක්මනින් සටන අතැරලා පසු බහිනවා .

: 2 28

ලලිත් අම්බලන්ගොඩ Monday, 25 October 2021 04:06 PM

කොසොල් රජු දුටු සිහින දහසය ඉටුවන කාලය එළඹ ඇත.

: 2 33

fairoos Monday, 25 October 2021 04:47 PM

සර්ගේ වියත් මගේ කට්ටිය රට කනවා. සර් පිස්සු කියවනවා...

: 1 8

Sunil Monday, 25 October 2021 05:12 PM

උගතුන් සහ බුද්ධිමතුන් මර්ධනය කොට නූගතුන් සහ මෝඩයින් රජකරන යුගයක් උදාවී ඇත. තව නොබෝ දිනකදී වේගයේ තරම බලාගත හැකිය.

: 1 12

Hafeel Monday, 25 October 2021 07:16 PM

මේ රාජ්‍ය ඇමති නේද කිව්වේ වැටුප ලෝන් එකට කපනවයි කියලා... හොඳයි ඔතැනින් අයින් වුණු එක... නැත්නම් ඔබතුමාගෙන් ලෝන් එකක් ඉල්ලාවි... ලෝන් ඔලුවේ තියාගෙන රාජකාරි කරන්න පුළුවන්ද?

: 0 4

ජනතාව Tuesday, 26 October 2021 07:36 PM

මෙවැනි උගතුන්ට සහ වැදගතුන්ට බල්ලොත් එක්ක බෑ නාට්‍යය රඟ දක්වන්න බැරි බව අමුතුවෙන් කියන්න දෙයක් නෑ. ඒකනෙ මේ දවස්වල මේ වගේ මහචාර්යවරු ඉඩ දීලා අයින් වෙලා ඉන්න ප්‍රවණතාවයක් පේන්නෙ. 69 ට අයිති කට්ටිය සතුටින් නම් හිත හදාගෙන ඉමු.

: 0 0