(ඉන්දිකා රාමනායක)

ගලේවෙල බුලනවැව ගොම්මොට්ටාව රක්ෂිතය තුළ නීති විරෝධීව පවත්වාගෙන ගොස් තිබු ගල්කොරි දෙකක් වටලා රුපියල් කෝටි 6 ට අධික වටිනා වාහන සමග සැකකරුවෝ පස් දෙදෙනෙක් දඹුල්ල විශේෂ කාර්ය බළකාය කඳවුරේ භට පිරිස් විසින් අත්අඩංගුවට ගනු ලැබූහ.

දඹුල්ල බීට්ටු වන නිලධාරී කාර්යාල බල ප්‍රදේශයට අයත් මෙම රක්ෂිතය තුළ සැකකරුවන්  බලපත්‍ර සහිතව ගල් කොරි පත්වාගෙන ගොස් ඇති අතර එම බලපත්‍ර කල් ඉකුත් වු පසු යළිත් අලුත් කර නොමැති බවද විශේෂ කාර්ය බළකාය පවසයි.

බලපත්‍ර අලුත් කිරීමකින් තොරව මෙම ස්ථානයේ ගල්කොරි පවත්වාගෙන යන බවට ලැබුණු තොරතුරු මත නිලධාරීන් ඊ මෙම වැටලීම සිදුකර ඇත.

පස් කපන ස්කැවේටර් යන්ත්‍ර හතරක් , ටිපර් යන්ත්‍රයක් මෙම වාහන අතර තිබු බවත් අත්අඩංගුවට ගත් සැකකරුවන් මෙම යන්ත්‍ර ආධාරයෙන් කළුගල් හා පස් ඉවත් කරමින් සිටි බවද විශේෂ කාර්ය බලකාය පවසයි.

මෙම ගල්කොරි දෙක දඹුල්ල ප්‍රදේශයේ ව්‍යාපාරිකයන් දෙදෙනෙක්ට අයත් බවට තොරතුරු හෙළි වී ඇති බවද විශේෂ කාර්ය බලකාය පවසයි.

ප්‍රධාන පාරට මීටර් 200 ක් -300 පමණ දුරින් මෙම ගල්කොරිය පවත්වාගෙන ගොස් තිබු බවද විශේෂ කාර්ය බලකාය පවසයි.