හොරෙන් ලංකාවට ආ සිරියානු පවුලක් ආපසු මව්රටටම

(ටී.කේ.ජී.කපිල)

එක්සත් අරාබි එමීර් රාජ්‍යයේ ගුවන් ගමන් බලපත්‍ර ව්‍යාජ ලෙස භාවිත කරමින් ශ්‍රී ලංකාවට ඇතුළු වීමට උත්සාහ කළ සිරියානු ජාතික පවුලක් අද (20) අත්අඩංගුවට ගෙන ඔවුන් ආ ගුවන් යානයෙන්ම ආපසු පිටත් කර යැවූ බව ආගමන විගමන දෙපාර්තමේන්තු නිලධාරීහු පවසති.

මෙම පවුලේ පියා 29 හැවිරිදි දන්ත වෛද්‍යවරයෙකි. මව 28 හැවිරිදි වියේ පසුවන්නීය.

ගුවන් තොටුපළ පැමිණීමේ පර්යන්තයේ ආගමන කවුළුව වෙත පැමිණි ඔවුන්, තමන් ශ්‍රී ලංකාවේ සංචාරයක් සඳහා පැමිණි බව ප්‍රකාශ කර තිබේ.

එහිදී ඔවුන් ඉදිරිපත් කළ එක්සත් අරාබි එමීර් රාජ්‍යයට අයත් ගුවන් ගමන් බලපත්‍ර පිළිබඳව සැක සිතී ඔවුන් සමඟ එම ලියකියවිලි ද ගුවන් තොටුපළ ප්‍රධාන ආගමන විගමන නිලධාරීවරයා වෙත යොමු කර තිබේ.

තවදුරටත් මේ පිළිබඳව ඔවුන්ගෙන් ප්‍රශ්න කිරීම් අතරතුර ඔවුන් රැගෙන විත් තිබූ ගමන් මලු පරීක්ෂා කර බැලීමේ දී, ඒවා තුළ ඔවුන්ගේ සැබෑ සිරියානු ගුවන් ගමන් බලපත්‍ර තුන තිබී හමු වී ඇත.

අදහස් (7)

හොරෙන් ලංකාවට ආ සිරියානු පවුලක් ආපසු මව්රටටම

අතුල සයෞදි අරාබිය. Sunday, 20 October 2019 08:49 AM

මේ දවස්වල කුර්දිෂ් සටන්කාමීන් ඉලක්ක කරගෙන තුර්කි හමුදාව විසින් උතුරු සිරියානු දේශසීමාවේ දරුණු ගැටුම් වලින් සිරියානු සිවිල් වැසියන් සිය ගණන් මරුමුවට පත්වෙලා. දහස් ගණනකගේ උන්හිටි තැන් අහිමිවෙලා. අද සිරියාව කියන්නේ සම්පූර්ණයෙන්ම යුද පිටියක්... මම හිතන්නේ මේ පවුලත් ජීවිත ආරක්ෂාව පතා, යුද අනාථයන් වශයෙන් කොහේ හෝ රැකවරණයක් බලාපොරොත්තුවක් ඇතිව ආපු ගමනක් බවයි මගේ හැඟීම... මේ ප්‍රශ්නය තව මීට වඩා මානුෂිකව හිතන්න තිබ්බා...

: 476 131

DilanSunday, 20 October 2019 09:35 AM

සරණාගතයන් ලෙස යුරෝපයට සංක්‍රමණය වූ අය එම රටවල් වල ත්‍රස්තවාදී වැඩ කරනවා. අපි කොහොමද මොවුන් විශ්වාස කරන්නේ? ශ්‍රී ලංකාව සරණාගතයන් භාර ගැනීම කිසිසේත් නොකළ යුතු දෙයක්. අනුකම්පාව දැක්වීම නැති ප්‍රශ්න ඇති කරගැනීමට හේතුවක්. අපට දැනට ඇති තරම් රටේ ප්‍රශ්ණ තියෙනවා. අපට බෝම්බ ගැහුවෙත් වෙළඳාමේ ඇවිල්ලනේ.... උපන් රටේ ජිවත් වෙන්න බැරිව මරාගන්න අයට කොහේ ගියත් බෑ.

: 59 232

raviSunday, 20 October 2019 10:27 AM

අතුල, ඔයා මේ ලියපු වචන ටිකට හුඟක් ස්තුතියි. ශ්‍රී ලාංකිකයෙක් වශයෙන් අපි ඔයා වගේ "මනුස්සයින්" ගැන හුඟක් ආඩම්බරයි..!!!

: 72 78

nimal Sunday, 20 October 2019 09:00 AM

දැනට ඔයවගේ ආපු ගොඩක් ලංකාවේ ඉන්නවා. එලවන එක බොරු...

: 27 85

charith Sunday, 20 October 2019 09:28 AM

මුලු ලෝකයේම මුස්ලිම් බවට හරවපු රටවල් ඔක්කොම දන්නව මේ රටට ඈවිල්ලා ඉඩම් කඩම් අරගෙන අවුලක් නැතිව ඉන්න පුලුවන් කියලා. ඒක අපේ දේශපාලනය විසින් කරන දෙයක්. අපිට වඩා අන්තිම දුප්පත් රටවල් වලට ඕපන් වීසා ගහන්නේ ඔන්න ඕක නිසා. මර උගුලක් මේක.

: 1 80

Aris Sunday, 20 October 2019 09:33 AM

පණ බේරාගෙන ආපු මිනිස්සුන්ට ටිකක් හොයල බලලා ඉන්න දෙන්නයි තිබුනේ.

: 111 7

Prabha Sunday, 20 October 2019 10:28 AM

ඔව් ඔව් හැමෝම ඉන්නේ මෙහෙම එල්ලගෙන තමයි.

: 1 39