(බිමල් ශ්‍යාමන් ජයසිංහ )

හොරණ  අරමනාගොල්ල කර්මාන්ත ශාලාවක නේවාසිකාගාරයක් තුළ දී පුද්ගලයන්  දෙදෙනෙකුගේ හිසට කුලුගෙඩියකින් පහරදී ඝාතනය කර තවත් පුද්ගලයකුට බරපතළ තුවාල සිදුකිරීම සම්බන්ධයෙන් අත්අඩංගුවට  ගත් සැකකරු හොරණ අධිකරණයට අද ඉදිරිපත් කිරීමෙන් අනතුරුව මෙම මස 29  දක්වා රිමාන්ඩ් භාරයේ තබන ලෙස මහේස්ත්‍රාත් චානිමා විජේබණ්ඩාර මහත්මිය නියෝග කළාය

මෙලෙස රිමාන්ඩ් භාරයට පත් කරන ලද්දේ මකුලෑව බුල්නෑව පදිංචි වසන්ත ජයසිංහ 34 නමැත්තා ය.

ඉකුත් 15 වැදි දින ආයතනයෙන් ප්‍රමාණවත් පරිදි වැටුප් නොගෙවීම සම්බන්දව සැකකාර පුද්ගලයා ආයතන හිමිකරුට දොස් පැවරීමේදී  ඊට එරෙහි ව එම පුද්ගලයන් දෙදෙනා සහ බරපතල තුවාල ලැබූ පුද්ගලයන් දෙදෙනා කථා කිරීමත් සමඟම බහින් බස් වීමෙන්  පසු  මෙම ප්‍රහාරය එල්ල කර ඇති බව පොලිසිය අධිකරණයට දැන්වීය.

පහර දීමට යොදා ගත් කුළුගෙඩියේ මිට  කොටස් දෙකකට වෙන් වී තිබී හමුවූ බව පොලිසිය අධිකරණයට දැන්වීය .